Sɛkɛn Lɛta Fɔ Tɛsalonayka 1:3 - Krio Fɔs Oli Baybul

³ Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Sɛkɛn Lɛta Fɔ Tɛsalonayka 1:3 Referans Kwoze

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Lɛta Fɔ Filipay 1:9

A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad,

Fɔs Lɛta Fɔ Tɛsalonayka 3:12

Lɛ di Masta mek una lɛk una kɔmpin Kristiɛn dɛn ɛn ɔl dɛn ɔda pipul wit ɔl una at lɛkɛ aw wi lɛk una.

Jɔn 15:2

Ɛni an we de pan mi we nɔ de bia, i de kɔt am kɔmɔt, ɛn ɛni an we de bia, i de trim am, so dat i kin bia mɔ.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Fɔs Lɛta Fɔ Tɛsalonayka 3:9

Wi kin tɛl Gɔd tɛnki naw fɔ una. Wi tɛl am tɛnki fɔ di gladi we wi kin gladi wɛn wi kam bifo am fɔ pre fɔ una, bikɔs una stil biliv pan am.

Lɛta Fɔ Rom 1:8

Fɔs tin, a tɛl Gɔd tɛnki tru Jizɔs Krays fɔ una ɔl, bikɔs pipul ɔlɔbɔt na wɔl de yɛri se una dɔn biliv pan Jizɔs Krays.

Pita In Sɛkɛn Lɛta 1:13

A fil se i rayt fɔ mek a de mɛmba una bɔt dɛn tin ya naw we a gɛt layf fɔs, fɔ mek una waydawek.

Fɔs Lɛta Fɔ Tɛsalonayka 3:6

Bɔt Timoti dɔn tɔn bak ɛn i dɔn tɛl wi nyuz we mek wi gladi. I tɛl wi se una biliv pan Krays ɛn una stil lɛk una kɔmpin Kristiɛn dɛn. I tɛl wi se una kin gladi ɔltɛm we una mɛmba wi, ɛn unasɛf aŋri fɔ si wi jɛs lɛkɛ aw wi aŋri fɔ si una.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Lɛta Fɔ Ɛfisɔs 5:20

Una fɔ tek wi Masta Jizɔs Krays in nem tɛl Papa Gɔd tɛnki ɔltɛm fɔ ɔltin.

1 Kɔrint 1:4

A de tɛl mi Gɔd tɛnki ɔltɛm fɔ di blɛsin we i dɔn gi una we una dɔn gɛt wanwɔd wit Jizɔs Krays.

Lyuk 17:5

Jizɔs in apɔsul dɛn tɛl am se, “Masta, duya, ɛp wi, mek wi go biliv Gɔd gud gud.”

Lyuk 15:32

Aw wi nɔ fɔ ɛnjɔy wisɛf ɛn gladi, dis yu brɔda bin dɔn day, bɔt i dɔn gɛt layf bak; i bin lɔs, bɔt wi dɔn fɛn am.’”

Di Sam Dɛm 92:13

I go fiba lɛkɛ we dɛn plant dɛn tik ya na PAPA GƆD in os we go de rɔju nain yad.

Di Sam Dɛm 84:7

As dɛn de waka, na so dɛn de gɛt trɛnk, te dɛn ɔl rich usay PAPA GƆD de na Zayɔn.

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

2 Kɔrint 10:15

Wi nɔ de bost bɔt wetin ɔda pipul dɔn du; wi de abop se aw una de biliv Gɔd mɔ ɛn mɔ, na so wisɛf go de ɛp una mɔ ɛn mɔ.

Sɛkɛn Lɛta Fɔ Tɛsalonayka 2:1

Mi Kristiɛn pipul dɛn, sɔm pipul de tɔk se di De we di Masta go kam ɛn gɛda wi ɔl rawnd insɛf, dɔn kam, bɔt a de beg una, mek una