Sɛkɛn Lɛta Fɔ Tɛsalonayka 1:11 - Krio Fɔs Oli Baybul

¹¹ Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.

Sɛkɛn Lɛta Fɔ Tɛsalonayka 1:11 Referans Kwoze

Lɛta Fɔ Filipay 2:13

Gɔd de wok insay una at so dat una go want du wetin in want una fɔ du ɛn fɔ mek una go ebul du am.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Sɛkɛn Lɛta Fɔ Tɛsalonayka 1:5

Ɔl wetin una de sɔfa sho se Gɔd go jɔj ɔlman lɛkɛ aw i fɔ jɔj dɛn, ɛn bikɔs una de sɔfa, Gɔd go mek una fit fɔ mek i rul una.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Sɛkɛn Lɛta Fɔ Tɛsalonayka 2:14

Gɔd kɔl una fɔ bi in yon pipul dɛn tru di Gud Nyuz we wi tɛl una; i kɔl una fɔ gɛt pan di wɔndaful pawa ɛn ɔna we Masta Jizɔs Krays gɛt.

Lɛta Fɔ Ɛfisɔs 1:5

We Gɔd lɛk wi, i dɔn mek Jizɔs Krays briŋ wi kam bak to insɛf; so dat wi go bi in pikin dɛn, bikɔs na dat i lɛk fɔ du ɛn na dat i mekɔp fɔ du.

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

Lyuk 12:32

“Una we de fala mi nɔ plɛnti, bɔt una nɔ fred; Gɔd we na una Papa go mek una rul lɛkɛ aw insɛf de rul.

Lɛta Fɔ Filipay 1:6

A biliv se Gɔd, we bigin du dis gud wok ya insay una at, go stil de du am sote di de we Jizɔs Krays go kam bak.

Di Sam Dɛm 138:8

PAPA GƆD go du ɔl wetin i dɔn prɔmis. PAPA GƆD, yu lɔv de de sote go; nɔ lɛf wi to wisɛf bikɔs na yu mek wi.

Di Sam Dɛm 51:18

Mek Zayɔn bi wetin i bin bi bak; lɛ Jerusɛlɛm gɛt di sem kayn wɔl we i bin gɛt fɔ protɛkt am frɔm in ɛnimi dɛn.

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Rɛvɛleshɔn 3:4

Bɔt te naw sɔm pan una de na Sadis we nɔ dɔti una klos, bɔt una nɔ plɛnti. Dɛn pipul de go waka wit mi, dɛn go wɛr wayt klos bikɔs dɛn fit fɔ wɛr am, bay aw dɛn de du.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.

Lɛta Fɔ Filipay 3:14

Na dat mek a de du ɔl wetin a fɔ du, fɔ gɛt di prayz we Gɔd de gi; dat na layf na ɛvin we go de sote go we Gɔd kɔl wi fɔ gɛt wɛn wi gɛt wanwɔd wit Jizɔs Krays.

Lɛta Fɔ Ɛfisɔs 1:16

a de tɛl Gɔd tɛnki ɔltɛm fɔseka una, a de pre fɔ una.

Lɛta Fɔ Ɛfisɔs 1:9

fɔ du wetin i plan; i dɔn tɛl wi di plan we i bin ayd, i bin dɔn mekɔp lɔntɛm fɔ sɛn Krays kam du ɔl wetin i bin dɔn plan.

Lɛta Fɔ Rom 1:9

Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

Mak 4:28

Na di grɔn de mek sid dɛn gro. Wɛn sid dɛn de gro, na di pat we bɔs fɔs yu kin si fɔs, dɛn yu go si di ɔda pat, dɛn yu go si di tin dɛn we i bia, las.

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Ayzaya 66:9

PAPA GƆD aks se, A fɔ opin di wumb ɛn nɔ mek i bɔn? Mi we de mek uman bɔn fɔ lɔk di wumb? Na so una Gɔd aks.

Ayzaya 25:9

Dɛn go tɔk da de de se, “Yɛs, na wi Gɔd dis; wi dɔn wet am lɛ i go sev wi. Dis na PAPA GƆD; wi dɔn wet am; lɛ wi gladi ɛn gladi fɔ di sev we i sev wi.”

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Di Sam Dɛm 68:20

Wi PAPA GƆD na PAPA GƆD we de sev pipul. Na PAPA GƆD. Na dis wɔndaful PAPA GƆD nɔmɔ kin mek pɔsin nɔ day we waala mit am.

Di Sam Dɛm 48:14

Bikɔs PAPA GƆD na PAPA GƆD we go de sote go ɛn nain go bi wi sikyɔriti te wi day.

1 Kɔrint 1:8

I go mek una nɔ tap fɔ biliv pan am ɛn du ɔl wetin Gɔd want so dat Gɔd nɔ go gɛt ɛnitin fɔ kɔndɛm una fɔ, di de we wi Masta Jizɔs Krays go kam.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Lɛta Fɔ Rom 11:29

Dɛn pipul we Gɔd dɔn pik, i dɔn pik dɛn; ɛn di blɛsin we i dɔn gi dɛn, i dɔn gi dɛn. Gɔd nɔ de chenj.

Lɛta Fɔ Rom 15:14

Mi kɔmpin Kristiɛn dɛn, a shɔ se una gud, una no ɔl wetin una fɔ du ɛn una ebul advays una kɔmpin dɛn.