Jɔn In Sɛkɛn Lɛta 1:9 - Krio Fɔs Oli Baybul

⁹ Ɛnibɔdi we nɔ jɛs de lan pipul wetin Krays lan am nɔmɔ, bɔt i de lan dɛn ɔda tin miks, da pɔsin de nɔ gɛt Gɔd nain at. Ɛnibɔdi we de lan pipul wetin Krays lan am, di Papa ɛn in Pikin de nain at.

Jɔn In Sɛkɛn Lɛta 1:9 Referans Kwoze

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Apɔsul Dɛn Wok 2:42

Di apɔsul dɛn bin de lan dɛn Gɔd in wɔd. Dɛn bin de lɛkɛ brɔda ɛn sista ɛn dɛn bin de it ɛn pre na wan ples.

Taytɔs 2:10

ɔ tif dɛn. Bɔt dɛn fɔ sho dɛn masta se dɛn gud ɛn dɛn na pipul we dɛn masta kin biliv, so dat dɛn go mek pipul want fɔ yɛri ɛn biliv dɛn tin we wi de lan dɛn bɔt Gɔd we de sev wi.

Jɔn 15:6

Ɛnibɔdi we nɔ de wit mi ɔltɛm, Gɔd go ib am na do; i go tan lɛkɛ an pan tik, we dray we dɛn kin kɔt trowe; dɛn go gɛda dɛn an ya ib dɛn na faya, we dɛn go bɔn insay.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Di Ibru Pipul Dɛn 6:1

So, mek wi lɛf fɔ de tɔk bɔt dɛn tin we wi bin de tɛl una bɔt Krays, fɔstɛm; lɛ wi go bifo ɛn lan dɛn tin we bigman fɔ lan bɔt Krays. Wi tap fɔ lan una dɛn tin we wi bin dɔn lan una fɔstɛm we wi se pipul fɔ chenj ɛn lɛf fɔ du dɛn bad tin we go mek dɛn day, ɛn dɛn fɔ biliv pan Gɔd.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Jɔn 8:31

So Jizɔs tɛl di wan dɛn we biliv pan am se, “If una de du ɔl wetin a tɛl una fɔ du, una na mi lanin bɔy dɛn fɔ tru;

Jɔn In Tɔd Lɛta 1:9

A bin dɔn rayt lɛta to di chɔch, bɔt Dayɔtrɛfes we want put insɛf bifo na di chɔch, nɔ lisin wetin a tɛl am.