Jɔn In Sɛkɛn Lɛta 1:8 - Krio Fɔs Oli Baybul

⁸ Una tek tɛm, mek una nɔ lɔs wetin una dɔn wok fɔ, so una go gɛt ɔl wetin Gɔd dɔn prɔmis una.

Jɔn In Sɛkɛn Lɛta 1:8 Referans Kwoze

Di Ibru Pipul Dɛn 10:35

Na dat mek una nɔ fɔ dawt, bikɔs if una biliv Gɔd sote go, i go gi una big blɛsin.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

1 Kɔrint 3:14

If di tin we pɔsin tek bil pan di fawndeshɔn nɔ bɔn na di faya, di pɔsin go gɛt gud pe fɔ in wok.

1 Kɔrint 3:8

Nɔbɔdi nɔ bɛtɛ pas in kɔmpin, di wan we plant ɔ di wan we wata; ɔlman go gɛt di pe fɔ di wok we i du.

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Mak 13:9

“Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.

Lɛta Fɔ Galeshya 3:4

Una min se ɔl wetin dɔn bi to una nɔ min natin? Una fɔ no se nɔto fɔ natin dɛn tin ya bi.

Jɔn 4:36

Di pɔsin we de kɔt dɛn tin we dɔn du fɔ kɔt de gɛt in pe, i de gɛda dɛn fɔ mek dɛn de sote go na ɛvin. So di pɔsin we plant ɛn di wan we gɛda di tin dɛn we dɔn du fɔ kɔt, ɔl tu go gladi.

Lɛta Fɔ Galeshya 4:11

Mi at de wɔri fɔ una, na fɔ natin a dɔn lebɔ pan una?

Lyuk 21:8

Jizɔs se, “Una tek tɛm mek nɔbɔdi nɔ mek una ful bikɔs plɛnti pipul go tek mi nem kam, dɛn go se dɛn na di Mɛsaya ɔ di tɛm we i go kam bak dɔn de klos. Una nɔ fɔ fala dɛn.

Di Ibru Pipul Dɛn 10:32

Una fɔ mɛmba aw una bin de du fɔstɛm, wɛn una bin dɔn ɔndastand Gɔd yon we. Da tɛm de, pan ɔl we una bin de sɔfa bad, una bin bia ɛn tinap traŋa.

Lɛta Fɔ Filipay 3:16

Na wan tin nɔmɔ a gɛt fɔ se, lɛ wi nɔn nɔ lɛf fɔ fala di sem lɔ dɛn we wi dɔn de fala ɔl dis tɛm.

Mak 13:23

Una fɔ waydawek; a dɔn tɛl una ɔltin bifo dɛn bi.

Matyu 24:4

Jizɔs se, “Una tek tɛm mek nɔbɔdi nɔ mek una ful.

Daniɛl 12:3

Ɛn di wan dɛn we gɛt sɛns, go shayn lɛk aw di skay kin shayn brayt wan, Di wan dɛn we sho bɔku pipul aw fɔ waka di rayt we, go shayn lɛk di sta dɛn, sote go.

1 Kɔrint 15:8

Na mi las i sho insɛf to, pan ɔl we mi na di las pɔsin we fit fɔ si am.

Lyuk 19:19

In masta tɛl am se, ‘Yu go rul oba fayv tɔŋ.’