Jɔn In Sɛkɛn Lɛta 1:4 - Krio Fɔs Oli Baybul

⁴ A bin gladi bad we a yɛri se sɔm pan yu pikin dɛn de fala wetin tru, lɛkɛ aw wi Papa tɛl wi fɔ du.

Jɔn In Sɛkɛn Lɛta 1:4 Referans Kwoze

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Jɔn In Fɔs Lɛta 2:6

Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.

Ozie 14:9

Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.

Malakay 2:6

I se, Livay na bin pɔsin we de tɔk wetin tru fɔ du ɛn i nɔ bin miks pan lay. I bin de du wetin go gi pipul kolat ɛn bin de waka tret wan wit PAPA GƆD ɛn nɔ de ple wit sin.

Lɛta Fɔ Filipay 4:10

Bikɔs a de waka wit di Masta, a gladi bad. I bin dɔn tek lɔŋ we una nɔ bin de ɛp mi igen, bɔt naw una dɔn gɛt chans fɔ bigin ɛp mi bak. A no se una nɔ bin jɛs tap fɔ ɛp mi nɔmɔ, bɔt na chans una nɔ bin gɛt fɔ stil de ɛp mi.

Lɛta Fɔ Galeshya 2:14

Wɛn a si se dɛn nɔ de du di rayt tin we de na di Gud Nyuz, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?”

1 Kɔrint 13:6

una nɔ go gladi fɔ ɛnitin we nɔ rayt, bɔt una go gladi fɔ yɛri ɛnitin we na tru.