Jɔn In Sɛkɛn Lɛta 1:3 - Krio Fɔs Oli Baybul

³ Mek Gɔd wi Papa, ɛn in Pikin, Jizɔs Krays, blɛs wi, sɔri fɔ wi, ɛn gi wi kol at; mek ɔl dɛn tin ya bi to wi we no ɛn biliv wetin tru ɛn lɛk wi kɔmpin mɔtalman.

Jɔn In Sɛkɛn Lɛta 1:3 Referans Kwoze

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Fɔs Lɛta To Timoti 1:14

ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.

Fɔs Lɛta To Timoti 1:2

A de rayt to Timoti we a briŋ kam to Krays, na dat mek i bi mi yon tru pikin: mek Gɔd we na wi Papa ɛn Jizɔs Krays wi Masta sho yu aw i gud, mek i sɔri fɔ yu, ɛn mek i gi yu kol at.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,

Sɛkɛn Lɛta To Timoti 1:13

Dɛn tru wɔd we a tɛl yu, yu fɔ put ɔl yu at pan dɛn; na dɛn yu fɔ de fala pan ɛnitin we yu de du, yu nɔ fɔ lɛf fɔ biliv Gɔd lɛkɛ aw yu biliv am naw, ɛn yu nɔ fɔ tap fɔ lɛk yu kɔmpin. Na bikɔs wi gɛt wanwɔd wit Jizɔs Krays mek wi ebul biliv Gɔd ɛn lɛk wi kɔmpin so.

Zɛkaraya 8:19

dɛn fast we dɛn bin fast di mɔnt we mek fo, di mɔnt we mek fayv, di mɔnt we mek sɛvin, ɛn di mɔnt we mek tɛn, go briŋ gladi fɔ Juda ɛn dɛn go mek di ladida, so dɛn fɔ lɛk tin we na tru ɛn we de mek pis de.