Jɔn In Sɛkɛn Lɛta 1:2 - Krio Fɔs Oli Baybul

² bikɔs wetin tru de na wi at ɛn i go de wit wi sote go.

Jɔn In Sɛkɛn Lɛta 1:2 Referans Kwoze

Jɔn In Fɔs Lɛta 2:17

Di wɔl ɛn ɔltin we lib de we pipul want bad bad go dɔn wande, bɔt di pɔsin we du wetin Gɔd want go de sote go.

Jɔn In Fɔs Lɛta 2:14

Mi pikin dɛn, a de rayt una bikɔs una no di Papa. Mi papa dɛn, a de rayt una bikɔs una no di wan we bin dɔn de frɔm we di wɔl bigin. Yɔŋ man dɛn, a de rayt una bikɔs natin nɔ ebul una. Gɔd in wɔd de insay una at ɛn una dɔn win Setan.

Jɔn In Fɔs Lɛta 1:8

If wi se sin nɔ de na wi layf, wi de mek wisɛf ful, ɛn wi nɔ de tɔk tru.

Pita In Sɛkɛn Lɛta 1:12

Pan ɔl we una no ɔl dɛn tin ya ɛn una biliv gud gud dɛn tru tin, we a dɔn tɛl una naw, a nɔ go taya fɔ mɛmba una bɔt dɛn.

Sɛkɛn Lɛta To Timoti 1:5

A mɛmba aw yu biliv Gɔd wit ɔl yu at lɛkɛ yu grani Lɔis ɛn yu mami Yunaysi. A shɔ se yusɛf biliv Gɔd lɛkɛ dɛn.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

1 Kɔrint 9:23

Ɔl dɛn tin ya we a de du na fɔ mek di Gud Nyuz go prɛd ɔlɔbɔt, ɛn mek mi ɛn una gɛt pan dɛn blɛsin we di Gud Nyuz de briŋ fɔ wi.

Jɔn 15:7

If una de wit mi ɔltɛm ɛn mi wɔd dɛn de na una at ɔltɛm, una kin aks mi Papa fɔ ɛnitin we una want, ɛn i go gi una.

Jɔn 14:16

A go aks mi Papa fɔ gi una ɔda pɔsin we go de ɛp una fɔ du wetin Gɔd want ɛn i go sɛn di pɔsin kam. Da pɔsin go de wit una sote go.