2 Kɔrint 9:3 - Krio Fɔs Oli Baybul

³ A de sɛn dɛn brɔda ya go to una naw so dat di gud we wi dɔn tɔk bɔt una fɔ di ɛp we una de ɛp nɔ go bi ɛmti tɔk. Bɔt una go rɛdi wit wetin una want gi fɔ ɛp di wok, lɛkɛ aw a bin se.

2 Kɔrint 9:3 Referans Kwoze

2 Kɔrint 8:6

So wi tɔk to Taytɔs, we bigin dis wok mek i tray nɔ fɔ lɛf am ɛn mek i ɛp una fɔ dɔn dis spɛshal wok we una de du we una de gi plɛnti tin, bikɔs una lɛk una kɔmpin wit ɔl una at.

Taytɔs 3:1

Mɛmba di Kristiɛn dɛn we yu de wok wit fɔ de du wetin di gɔvmɛnt ɛn di pipul dɛn we dɛn put oba dɛn, tɛl dɛn fɔ du ɛn fɔ rɛdi fɔ du ɔltin we gud.

2 Kɔrint 7:14

A bin bost bɔt una to am, ɛn una nɔ disapɔynt mi. Wi de tɔk tru to una ɔltɛm. Semwe, una dɔn pruv se di tin we mek a bost bɔt una to Taytɔs, na tru.

2 Kɔrint 7:4

A shɔ se una nɔ go disapɔynt mi, una de mek mi ed big! Pan ɔl wi waala a stil gɛt kɔrej, a gladi bad bad wan.