2 Kɔrint 8:2 - Krio Fɔs Oli Baybul

² Pan ɔl we big big waala bin mit di Kristiɛn dɛn ɛn dɛn na bin po po pipul, dɛn bin gladi fɔ ɛp ɔda pipul ɛn giwe plɛnti plɛnti tin.

2 Kɔrint 8:2 Referans Kwoze

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Prɔvabs 11:25

Udat nɔ de skyad fɔ du gud de payl jɛntri fɔ insɛf; ɛn yu de gi in kɔmpin fɔ drink, dɛn go gi insɛf bak fɔ drink.

Ditarɔnɔmi 15:4

Nɔn pan dɛn nɔ go de we nɔ go gɛt bɛtɛ tin, bikɔs PAPA GƆD we na dɛn PAPA GƆD go blɛs dɛn ɔl na di land we i gi dɛn fɔ prɔpati;

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Fɔs Lɛta Fɔ Tɛsalonayka 1:6

Una bin de du dɛn tin we una si wi ɛn di Masta de du. Una bin biliv di Gud Nyuz bɔt Jizɔs Krays pan ɔl we pipul bin de mek una sɔfa, ɛn Gɔd in Spirit bin de mek una gladi ɔltɛm.

Lɛta Fɔ Rom 12:8

If i mek wi sabi fɔ kɔrej pipul, wi fɔ kɔrej pipul. If Gɔd gi ɛnibɔdi gudat fɔ sheb wetin i gɛt wit ɔda pipul, di pɔsin fɔ de du dat wit ɔl in at; ɛnibɔdi we Gɔd gi pawa fɔ rul, fɔ rul lɛkɛ soba pɔsin; ɛnibɔdi we Gɔd gi ajo, fɔ gladi fɔ sho am.

Fɔs Lɛta Fɔ Tɛsalonayka 2:14

Mi brɔda dɛn, na di sem tin we bi to di Kristiɛn dɛn na Judia, de bi to una. Jɛs lɛkɛ aw di Ju pipul dɛn bin mek Gɔd in pipul dɛn we biliv pan Krays na Judia sɔfa, na semwe so una yon kɔntri man dɛn de mek una sɔfa.

2 Kɔrint 9:11

So aw Gɔd go de gi una mɔ ɛn mɔ, na so unasɛf go ebul gi mɔ ɛn mɔ, ɛn di pipul dɛn go tɛl Gɔd tɛnki fɔ di tin dɛn we una gi wi fɔ gi dɛn.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Matyu 20:15

A nɔ gɛt rayt fɔ du wetin a want wit mi mɔni? Na jɛlɔs una de jɛlɔs dɛn fɔ wetin a pe dɛn?’”

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

2 Kɔrint 2:9

Na dat mek a bin rayt da fɔs lɛta we a bin sɛn to una. A bin want no if una pas una ɛgzam gud; dat na fɔ si if una kin rɛdi ɔltɛm fɔ du wetin a tɛl una fɔ du.