2 Kɔrint 7:3 - Krio Fɔs Oli Baybul

³ A nɔ de tɔk dɛn tin ya fɔ blem una, bikɔs a bin dɔn tɛl una se una de na wi at ɔltɛm, wi lɛk una bad, so wɛda wi liv ɔ wi day, wi ɔl de togɛda ɔltɛm.

2 Kɔrint 7:3 Referans Kwoze

Fɔs Lɛta Fɔ Tɛsalonayka 2:8

Bikɔs wi lɛk una bad, wi bin rɛdi fɔ tɛl una di Gud Nyuz we Gɔd tɛl wi fɔ tɛl una ɛn fɔ day sɛf fɔ una. Wi bin lɛk una bad bad!

2 Kɔrint 13:10

Na dat mek a de rayt dɛn tin ya to una naw bifo a rich de; mek a nɔ go gɛt fɔ dil wit una traŋa wan wɛn a kam to una, pan ɔl we a gɛt di rayt fɔ du so, bikɔs di Masta sɛn mi; ɛniwe, di Masta nɔ sɛn mi fɔ mek a mek una at pwɛl, i sɛn mi fɔ ɛp una.

2 Kɔrint 12:15

A go gladi fɔ gi ɔl wetin a gɛt, ɛn misɛf, fɔ ɛp una. Di mɔ we a lɛk una, nain i tan lɛkɛ se una nɔ lɛk mi bɛtɛ.

2 Kɔrint 11:11

Una tink se a de tɔk dɛn tin ya bikɔs a nɔ lɛk una? Nɔto so i bi. Gɔd insɛf no se a lɛk una!

2 Kɔrint 7:12

So, ivin we a rayt da lɛta de sɛf, nɔto fɔseka di pɔsin we du bad, ɔ di pɔsin we sɔfa, bɔt na fɔ mek una nɔ dawt bifo Gɔd se una want ɛp wi fɔ tru.

2 Kɔrint 3:2

Na una na wi lɛta we rayt insay wi at, ɔlman go no am, ɔlman go rid am.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.