2 Kɔrint 7:2 - Krio Fɔs Oli Baybul

² Una at fɔ opin fɔ wi. Wi nɔ du ɛnibɔdi bad, wi nɔ pwɛl ɛnibɔdi in layf, wi nɔ tek advantej pan ɛnibɔdi.

2 Kɔrint 7:2 Referans Kwoze

2 Kɔrint 11:9

Ɛn di tɛm we a bin de wit una, ɛnitɛm we a kin want mɔni, a nɔba aks una fɔ ɛnitin; dɛn brɔda we kɔmɔt Masidonia kin briŋ ɔl wetin a want. Aw tin bin dɔn de bi so, na so i go de bi ɔltɛm! A nɔ go gi una kɔz fɔ wɔri bɔt mi!

Apɔsul Dɛn Wok 20:33

A nɔ bin put yay pan ɛnibɔdi prɔpati lɛkɛ silva, gold ɛn fayn klos.

Jɔn In Sɛkɛn Lɛta 1:10

If ɛnibɔdi we nɔ biliv wetin Krays dɔn lan wi, kam to una fɔ lan una ɛnitin, una nɔ fɔ kip am na una os; una nɔ fɔ tɛl am adu sɛf.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Matyu 10:40

“Ɛnibɔdi we tɛl una fɔ kam nain os, na mi di pɔsin de tɛl fɔ kam nain os; ɛn ɛnibɔdi we tɛl mi fɔ kam nain os, na di wan we sɛn mi, di pɔsin dɔn tɛl fɔ kam nain os.

Matyu 10:14

Ɛn if una go na ɛni tɔŋ ɔ vilej, di pipul dɛn nɔ gri fɔ mek una tap to dɛn, ɔ dɛn nɔ want yɛri di wɔd we una de tɛl dɛn, wɛn una de kɔmɔt de, una fɔ shek di dɔti kɔmɔt ɔnda una fut, fɔ sho se dɛn dɔn du bad.

Di Nɔmba Dɛm 16:15

Dis mek Mozis in at wam ɛn i tɛl PAPA GƆD se mek i nɔ tek dɛn sakrifays. I se in nɔ tek natin na dɛn an wande ɛn i nɔ du bad to dɛn wande.

Faylimɔn 1:17

If yu tek mi lɛkɛ yu kɔmpin wokman, yu go ol Onɛsimɔs lɛkɛ aw yu bin fɔ ol mi.

Faylimɔn 1:12

So a de sɛn am go bak to yu, ɛn i go kam lɛkɛ se na misɛf de kam to yu.

Fɔs Lɛta Fɔ Tɛsalonayka 2:10

Una no, una we biliv di Gud Nyuz, ɛn Gɔd sɛf no aw wi bin de du wɛn wi bin de wit una. Wi layf bin tan lɛkɛ aw Gɔd want am fɔ tan, i bin tret ɛn klin.

Lɛta Fɔ Kɔlɔse 4:10

Aristakɔs, we de na jel wit mi, ɛn Mak, we na Banabas in kɔzin tɛl una adu. (A bin dɔn sɛn tɛl una se, wɛn Mak go to una, una fɔ mek i tap to una).

Lɛta Fɔ Filipay 2:29

Una fɔ gladi fɔ am wɛn i go to una bikɔs na una Kristiɛn brɔda; una fɔ rɛspɛkt pipul lɛkɛ dɛn wande.

2 Kɔrint 11:16

A bin dɔn tɔk sɔntin, a de tɔk am bak naw: nɔbɔdi nɔ fɔ tink se mi na ful. Bɔt if na so una tink, una fɔ lisin to mi lɛkɛ se na fulman de tɔk to una, ɛn if na so i bi sɛf, a go stil gɛt lili tin fɔ bost pan.

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lyuk 10:8

If una go na ɛni tɔŋ we di pipul dɛn gladi fɔ una, una fɔ it ɛnitin we dɛn gi una.