2 Kɔrint 4:3 - Krio Fɔs Oli Baybul

³ If sɔm pan dɛn pipul we de yɛri di Gud Nyuz we wi de tɛl dɛn, nɔ ɔndastand am, na dɛn wan nɔmɔ we de go ɛl.

2 Kɔrint 4:3 Referans Kwoze

2 Kɔrint 3:14

Sɔntin bin mek dɛn nɔ ebul ɔndastand, fɔ tru; te tide sɛf di sem tin nɔ de mek dɛn ebul ɔndastand wɛn dɛn de rid dɛn buk we tɔk bɔt di ol agrimɛnt. Na wɛn pɔsin gɛt wanwɔd wit Krays nɔmɔ, nain da tin de de kɔmɔt nain ed.

1 Kɔrint 1:18

Di tɔk we wi de tɔk bɔt di day we Krays day na di krɔs na nɔnsɛns to dɛn pipul we nɔ go sev, bɔt dat na Gɔd in yon pawa fɔ wi we i de sev.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Lɛta Fɔ Rom 2:16

So, lɛkɛ aw di Gud Nyuz we a de tɛl pipul se, ɔl dɛn tin ya go bi di De we Gɔd go mek Jizɔs Krays jɔj dɛn sikrit tin we mɔtalman de tink.

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Fɔs Lɛta Fɔ Tɛsalonayka 1:5

Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

2 Kɔrint 2:12

Wɛn a rich Troas fɔ tɛl una di Gud Nyuz bɔt Krays, a si se di Masta bin dɔn mek we fɔ mek a wok de.

1 Kɔrint 2:6

Fɔ tru, wetin wi de tɔk na sɛns to dɛn wan we dɔn go fa pan di Spirit yon we. Dis sɛns ya nɔto da kayn sɛns we mɔtalman gɛt, ɛn nɔto di sɛns we dɛn wan we de na pawa lɛk fɔ gɛt. Dɛn pipul we gɛt pawa na dis wɔl naw, dɛn pawa sɛf gɛt fɔ dɔn.