2 Kɔrint 4:2 - Krio Fɔs Oli Baybul

² Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

2 Kɔrint 4:2 Referans Kwoze

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

2 Kɔrint 5:11

Wi no wetin i min fɔ fred Gɔd, so wi de tray fɔ tɔk to ɔda pipul mek dɛnsɛf go fred Gɔd. Gɔd no wi gud wan, ɛn a op se unasɛf ɔndastand wi gud.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

Lɛta Fɔ Ɛfisɔs 5:12

Pipul go shem sɛf fɔ tɔk bɔt dɛn tin we dɛn pipul we de na dak de du, we nɔbɔdi nɔ si.

2 Kɔrint 7:14

A bin bost bɔt una to am, ɛn una nɔ disapɔynt mi. Wi de tɔk tru to una ɔltɛm. Semwe, una dɔn pruv se di tin we mek a bost bɔt una to Taytɔs, na tru.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

2 Kɔrint 11:6

Sɔntɛm mi na pɔsin we jɛs bigin tɛl pipul bɔt Gɔd, so a nɔ sabi du dat gud yet, bɔt wetin a sabi, a sabi am gud. Wi dɔn sho una dat plen wan, ɛnitɛm we wi de tɔk to una.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

2 Kɔrint 6:8

Sɔntɛm pipul kin rɛspɛkt wi, sɔntɛm dɛn kin mek wi shem; sɔntɛm dɛn kin fityay wi, sɔntɛm dɛn kin prez wi. Pan ɔl we wi de tɔk tru, dɛn kin se na lay wi de lay;

1 Kiŋ 18:34

I se lɛ dɛn go gɛt ɔda fo kam tɔn am, dɛn du dat. I se lɛ dɛn go gɛt fo bak mek tri tɛm mɔ; dɛn du dat.