2 Kɔrint 4:1 - Krio Fɔs Oli Baybul

¹ We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

2 Kɔrint 4:1 Referans Kwoze

Sɛkɛn Lɛta Fɔ Tɛsalonayka 3:13

Mi Kristiɛn pipul dɛn, una nɔ taya fɔ du gud.

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Lɛta Fɔ Ɛfisɔs 3:13

Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis.

Lɛta Fɔ Filipay 4:13

A ebul du ɔltin bikɔs Krays de mek a ebul.

2 Kɔrint 4:16

Na di rizin dis we mek wi nɔ de gri mek wi at pwɛl ɛn tap fɔ wok. Pan ɔl we wi bɔdi de wes, nyu layf de kam insay wi ɛvri de.

Rɛvɛleshɔn 2:3

Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Di Ibru Pipul Dɛn 12:3

Una fɔ mɛmba Jizɔs we bin bia wɛn dɛn bad pipul we nɔ bin lɛk am, mek i sɔfa, so dat una nɔ go taya fɔ biliv pan am ɛn una at nɔ go pwɛl.

2 Kɔrint 3:6

Semwe, i dɔn mek wi ebul tɔk bɔt di nyu agrimɛnt we i mek wit wi; nɔto tin we rayt na buk Gɔd tek mek di agrimɛnt, na Gɔd in Spirit mek am; bikɔs dɛn tin we rayt de kil, bɔt Gɔd in Spirit de gi layf.

Pita In Fɔs Lɛta 2:10

Tɛm bin de we una nɔto bin Gɔd yon pipul dɛn, bɔt una dɔn bi in pipul dɛn naw; tɛm bin de we una nɔ bin no aw Gɔd gud, bɔt naw una dɔn no aw i gud we i dɔn sɔri fɔ una.

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

2 Kɔrint 5:18

Na Gɔd du ɔl dis, nain mek Krays mek wi bi in padi dɛn, so dat wi go tap fɔ bi pipul we nɔ lɛk am, ɛn di wok we Krays gi wi na fɔ mek wi go mek ɔda padi dɛn fɔ Gɔd.

2 Kɔrint 3:12

We wi no se di wɔndaful tin we Gɔd dɔn du go de sote go, wi nɔ fred fɔ du wi wok.

1 Kɔrint 7:25

Naw, na dɛn wan we nɔ mared a de tɔk bɔt: Gɔd nɔ tɛl mi wetin a fɔ tɛl dɛn fɔ du, na mi yon advays a de gi dɛn. A fil se Gɔd we gud to mi dɔn gi mi sɛns, so dat wɛn a de tɔk, pipul kin biliv wetin a de tɛl dɛn.

Ayzaya 40:30

Ivin yut dɛn, go wik ɛn taya, ɛn yɔŋman dɛn go fɔdɔm wit bad bad taya;

Ayzaya 40:31

bɔt di wan dɛn we biliv PAPA GƆD go gɛt frɛsh trɛnk, dɛn go flay go ɔp wit fɛda lɛk igul, dɛn go rɔn ɛn dɛn nɔ go taya; dɛn go waka ɛn dɛn nɔ go fil wik.

Jɛrimaya 45:3

Yu bin tɔk se, ‘Swɛ dɔn mit mi! Bikɔs PAPA GƆD dɔn ad sɔro to mi pen; A dɔn taya fɔ pini ɛn a nɔ ebul blo.”

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

1 Kɔrint 3:5

Afta ɔl, udat na Apɔlɔs? Udat na Pɔl? Wi na Gɔd in savant dɛn we de tɔk bɔt Gɔd to una mek una biliv pan Jizɔs, na di wok we Gɔd gi Apɔlɔs, ɛn na di wok we Gɔd gi misɛf fɔ du, nain wi de du.