2 Kɔrint 3:3 - Krio Fɔs Oli Baybul

³ Una dɔn sho plen wan se na una na di lɛta we Krays rayt, we wi dɔn briŋ. Nɔto ink wi tek rayt am pan ston slab, na Gɔd we gɛt layf sote go, in Spirit rayt am na wi at.

2 Kɔrint 3:3 Referans Kwoze

Izikɛl 11:19

Ɛn a go gi dɛm ɔl di sem maynd, ɛn put nyu spirit insay dɛm; ɛn a go pul di at we tan lɛk ston kɔmɔt insay dɛm, ɛn gi dɛm at we na flɛsh,

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Di Ibru Pipul Dɛn 8:10

Wɛn di tɛm rich, na di agrimɛnt dis we a go mek wit di pipul dɛn na Izrɛl: A go mek dɛn no mi lɔ dɛn ɛn mek dɛn nɔ fɔgɛt dɛn. A go bi dɛn Gɔd, ɛn dɛn go bi mi pipul.

Di Ibru Pipul Dɛn 10:16

“Di Masta se, ‘Wɛn di rayt tɛm rich, na di agrimɛnt dis we a go mek wit dɛn: A go mek dɛn no mi lɔ dɛn, ɛn a go mek dɛn nɔ fɔgɛt dɛn.’”

Di Sam Dɛm 40:8

a de ɛnjɔy fɔ du wetin yu want a de kip yu lɔ na mi at so a go obe am.”

Ɛksodɔs 31:18

Wɛn PAPA GƆD dɔn tɔk dɔn to Mozis ɔp Mawnt Saynay, i gi am tu ston tablɛt dɛn. Na PAPA GƆD insɛf sɛf rayt in kɔmandmɛnt dɛn pan dɛn.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Ɛksodɔs 24:12

PAPA GƆD tɔk to Mozis. I se, “Kam ɔp di mawnten kam wet; a go gi yu ston tablɛt dɛn we na pan dɛn a dɔn rayt ɔl di lɔ ɛn kɔmandmɛnt dɛn we fɔ tich di Izrɛlayt dɛn.”

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Prɔvabs 3:3

Nɔ miks pan kalokalo ɛn bɛnbɛn; bɔt mek lɔv ɛn tret biznɛs nɔ kɔmɔt nia yu; lɛ dɛn tan lɛk chen na yu nɛk, ɛn lɛ dɛn de na yu at ɔltɛm.

Prɔvabs 7:3

Lɛ ɔl wetin a dɔn tɛl yu de wit yu ɔltɛm, lɛ i de na yu at.

Di Sam Dɛm 84:2

A so de, magomago fɔ de usay PAPA GƆD de. A go gladi ɛn wit ɔl mi at a go siŋ to PAPA GƆD we nain nɔmɔ de gi layf.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Di Sam Dɛm 42:2

A want PAPA GƆD bad bad wan. Usay a go go fɔ wɔship PAPA GƆD lɛk aw a want?

Ɛksodɔs 34:1

PAPA GƆD tɔk to Mozis. I se, “Kɔt tu ston tablɛt. Lɛ dɛn tan lɛkɛ aw di fɔs wan dɛn bin tan. Na wetin a bin rayt pan di fɔs tablɛt dɛn we yu brok a go rayt pan dɛn wan yaso bak.

Rɛvɛleshɔn 3:22

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.”

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Jɔshwa 3:10

I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Jɛrimaya 17:1

“Dɛn rayt Juda in sin wit ayɛn pɛn; na wit pɛn we gɛt dayamɔn mɔt dɛn tek dig rayt am pan di tablɛt na dɛn at, ɛn pan di ɔn dɛm na dɛn ɔlta dɛm,

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Ɛksodɔs 32:15

Mozis go dɔŋ di mawnten. I ol di tu ston tablɛt dɛn nain an we na pan dɛn di kɔmandmɛnt dɛn rayt; ɛn na di tu sayd pan dɛn di kɔmandmɛnt bin rayt.

1 Kɔrint 3:5

Afta ɔl, udat na Apɔlɔs? Udat na Pɔl? Wi na Gɔd in savant dɛn we de tɔk bɔt Gɔd to una mek una biliv pan Jizɔs, na di wok we Gɔd gi Apɔlɔs, ɛn na di wok we Gɔd gi misɛf fɔ du, nain wi de du.

2 Kɔrint 3:6

Semwe, i dɔn mek wi ebul tɔk bɔt di nyu agrimɛnt we i mek wit wi; nɔto tin we rayt na buk Gɔd tek mek di agrimɛnt, na Gɔd in Spirit mek am; bikɔs dɛn tin we rayt de kil, bɔt Gɔd in Spirit de gi layf.

2 Kɔrint 3:7

Bɔt if di Lɔ we rayt pan ston we briŋ day so wɔndaful, dat di Izrɛl pipul dɛn nɔ bin ebul luk Mozis in fes we bin de shayn brayt brayt wan, pan ɔl we da layt de bin de fed,