2 Kɔrint 3:2 - Krio Fɔs Oli Baybul

² Na una na wi lɛta we rayt insay wi at, ɔlman go no am, ɔlman go rid am.

2 Kɔrint 3:2 Referans Kwoze

Fɔs Lɛta Fɔ Tɛsalonayka 1:8

Di mɛsej bɔt di Masta we una tɛl pipul na Masidonia ɛn Gris nɔ tap de; ɔlman dɔn yɛri aw una biliv pan Gɔd. So nid nɔ de fɔ mek wi tɔk ɛnitin bɔt dat.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Lɛta Fɔ Rom 1:8

Fɔs tin, a tɛl Gɔd tɛnki tru Jizɔs Krays fɔ una ɔl, bikɔs pipul ɔlɔbɔt na wɔl de yɛri se una dɔn biliv pan Jizɔs Krays.

2 Kɔrint 12:15

A go gladi fɔ gi ɔl wetin a gɛt, ɛn misɛf, fɔ ɛp una. Di mɔ we a lɛk una, nain i tan lɛkɛ se una nɔ lɛk mi bɛtɛ.

2 Kɔrint 11:11

Una tink se a de tɔk dɛn tin ya bikɔs a nɔ lɛk una? Nɔto so i bi. Gɔd insɛf no se a lɛk una!

2 Kɔrint 7:3

A nɔ de tɔk dɛn tin ya fɔ blem una, bikɔs a bin dɔn tɛl una se una de na wi at ɔltɛm, wi lɛk una bad, so wɛda wi liv ɔ wi day, wi ɔl de togɛda ɔltɛm.

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

2 Kɔrint 3:1

Wi dɔn bigin bost se wi na gud pipul? Ɔ wisɛf fɔ bigin du lɛkɛ aw sɔm ɔda pipul de du, wi fɔ kɛr lɛta to una fɔ mek una no if wi gud? Ɔ na una fɔ sɛn lɛta bɔt wi to ɔda pipul?