2 Kɔrint 3:1 - Krio Fɔs Oli Baybul

¹ Wi dɔn bigin bost se wi na gud pipul? Ɔ wisɛf fɔ bigin du lɛkɛ aw sɔm ɔda pipul de du, wi fɔ kɛr lɛta to una fɔ mek una no if wi gud? Ɔ na una fɔ sɛn lɛta bɔt wi to ɔda pipul?

2 Kɔrint 3:1 Referans Kwoze

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

2 Kɔrint 10:12

Unasɛf no se wi nɔ go kɔmpia wisɛf wit dɛn wan we fil se dɛn bɛtɛ pas ɔda pipul. Dɛn nɔ gɛt sɛns, fɔ tru! Dɛn jɛs de kɔmpia dɛnsɛf wit dɛn kɔmpin, ɛn na wetin dɛn tink se rayt dɛn de tek jɔj dɛnsɛf!

2 Kɔrint 5:12

Wi nɔ de tray fɔ tɛl una igen se wi gud; wi de tray fɔ mek una gɛt rizin fɔ gladi fɔ wi, so dat una go ebul ansa dɛn wan we de mek prawd bɔt wetin dɛn de du ɛn wetin ɔda pɔsin kin si, bɔt wetin de insay dɛn at nɔ gud.

Apɔsul Dɛn Wok 18:27

Wɛn Apɔlɔs bin want fɔ go Gris, di Kristiɛn dɛn na Ɛfisɔs kɔrej am ɛn dɛn rayt lɛta to di Kristiɛn dɛn na Gris se, “Duya, una mek Apɔlɔs no se una gladi fɔ mit am wɛn i kam.” Wɛn Apɔlɔs rich Gris, i mit pipul we biliv pan Jizɔs fɔ we Gɔd gud to dɛn ɛn Apɔlɔs ɛp dɛn fɔ no mɔ bɔt Gɔd.

1 Kɔrint 16:3

Wɛn a kam, a go sɛn pipul we una trɔs fɔ kɛr di mɔni go Jerusɛlɛm, a go gi dɛn lɛta fɔ mek di pipul dɛn na Jerusɛlɛm no se na wi sɛn dɛn.

2 Kɔrint 12:19

Sɔntɛm una dɔn de tink ɔl dis tɛm se wi de tray fɔ tɔk mek una go gladi fɔ wi. Nɔto dat wi want du, wi de tɔk bifo Gɔd wetin Krays want mek wi tɔk. Mi padi dɛn, ɔl wetin wi de du na fɔ ɛp una.

2 Kɔrint 10:8

A nɔ de shem ivin if i tan lɛkɛ se a de bost tumɔs se na di Masta sɛn wi fɔ kam ɛp una, nɔto fɔ mek una tap fɔ biliv.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.

1 Kɔrint 4:15

If una gɛt ɔmɔs tawzin ticha dɛnsɛf, we una de wit Krays, na wangren papa nɔmɔ una gɛt. We una de waka wit Krays Jizɔs, a dɔn bi una papa we a dɔn briŋ di Gud Nyuz kam to una.

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

Lɛta Fɔ Rom 16:1

Wi sista Fibi we de wok na di chɔch we de na Sɛnkria, na gud pɔsin.

2 Kɔrint 10:18

Pɔsin we Gɔd gri fɔ, na pɔsin we in tɔk se du wɛl, nɔto pɔsin we nainsɛf de tɔk se in de du wɛl.