2 Kɔrint 2:3 - Krio Fɔs Oli Baybul

³ Na dat mek a bin rayt lɛta to una, a nɔ bin want kam mek di pipul dɛn we fɔ mek a gladi, mek a sɔri. A no se wɛn a gladi, unasɛf go gladi.

2 Kɔrint 2:3 Referans Kwoze

Lɛta Fɔ Galeshya 5:10

Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

2 Kɔrint 8:22

So wi de sɛn wi brɔda fɔ go wit dɛn; wi dɔn tray am plɛnti tɛm ɛn wi dɔn si se i want fɔ ɛp bad bad ɔltɛm. Ɛn naw we i trɔs una gud fashin, i want fɔ ɛp una mɔ.

Faylimɔn 1:21

Lɛkɛ aw a de rayt yu so, a biliv se yu go du wetin a dɔn beg yu fɔ du, ɛn a biliv se yu go du pas wetin a dɔn beg yu fɔ du sɛf.

2 Kɔrint 7:12

So, ivin we a rayt da lɛta de sɛf, nɔto fɔseka di pɔsin we du bad, ɔ di pɔsin we sɔfa, bɔt na fɔ mek una nɔ dawt bifo Gɔd se una want ɛp wi fɔ tru.

Sɛkɛn Lɛta Fɔ Tɛsalonayka 3:4

Na wi Masta mek wi de abop pan una, ɛn wi shɔ se una de du wetin wi tɛl una fɔ du ɛn una go stil de du am.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

2 Kɔrint 7:8

If di lɛta we a bin rayt sɛf bin mek una sɔri, a nɔ sɔri we a rayt am. A bin sɔri fɔs we a si se di lɛta mek una sɔri fɔ sɔm tɛm.

2 Kɔrint 7:6

Bɔt Gɔd we de kɔrej dɛn wan we dɛn at pwɛl, kɔrej wi wɛn Taytɔs kam.

2 Kɔrint 1:15

A bin shɔ bɔt ɔl dɛn tin ya we a dɔn rayt, so a bin dɔn mekɔp se a go go to una so dat una kin gɛt blɛsin tu tɛm.

1 Kɔrint 4:21

Wetin una want? Mek a tɔk pan una ɛn pɔnish una ɔ mek a tɔk saful to una bikɔs a lɛk una?

2 Kɔrint 1:23

Gɔd na mi witnɛs i no wetin de na mi at! Na bikɔs a nɔ bin want fɔ mek una fil bad mek a bin mekɔp nɔ fɔ go to una na Kɔrint.

2 Kɔrint 2:9

Na dat mek a bin rayt da fɔs lɛta we a bin sɛn to una. A bin want no if una pas una ɛgzam gud; dat na fɔ si if una kin rɛdi ɔltɛm fɔ du wetin a tɛl una fɔ du.

2 Kɔrint 7:16

A gladi bad we a kin trɔs una pan ɔltin.

2 Kɔrint 13:10

Na dat mek a de rayt dɛn tin ya to una naw bifo a rich de; mek a nɔ go gɛt fɔ dil wit una traŋa wan wɛn a kam to una, pan ɔl we a gɛt di rayt fɔ du so, bikɔs di Masta sɛn mi; ɛniwe, di Masta nɔ sɛn mi fɔ mek a mek una at pwɛl, i sɛn mi fɔ ɛp una.