2 Kɔrint 2:1 - Krio Fɔs Oli Baybul

¹ So a mekɔp se a nɔ go kam igen kam tɛl una tin we go mek una at pwɛl.

2 Kɔrint 2:1 Referans Kwoze

2 Kɔrint 1:23

Gɔd na mi witnɛs i no wetin de na mi at! Na bikɔs a nɔ bin want fɔ mek una fil bad mek a bin mekɔp nɔ fɔ go to una na Kɔrint.

2 Kɔrint 13:10

Na dat mek a de rayt dɛn tin ya to una naw bifo a rich de; mek a nɔ go gɛt fɔ dil wit una traŋa wan wɛn a kam to una, pan ɔl we a gɛt di rayt fɔ du so, bikɔs di Masta sɛn mi; ɛniwe, di Masta nɔ sɛn mi fɔ mek a mek una at pwɛl, i sɛn mi fɔ ɛp una.

2 Kɔrint 2:4

Wɛn a bin de rayt to una, mi at bin ebi ɛn a bin de wɔri bad; a bin de kray sɛf; bɔt nɔto fɔ mek una sɔri, na fɔ mek una no aw a lɛk una ɔl.

1 Kɔrint 4:21

Wetin una want? Mek a tɔk pan una ɛn pɔnish una ɔ mek a tɔk saful to una bikɔs a lɛk una?

Taytɔs 3:12

Wɛn a sɛn Atɛmas ɔ Taychikɔs go to yu, tray fɔ kam mit mi na Nikopolis, bikɔs a dɔn mekɔp fɔ tap de wɛn di kol sizin kam.

1 Kɔrint 5:3

Fɔ mi yon pat, pan ɔl we a nɔ de klos una, mi at de wit una; na Masta Jizɔs in nem a dɔn tek kɔndɛm di man we du dis bad bad tin, jɛs lɛkɛ aw a bin fɔ du if a bin de wit una.

1 Kɔrint 2:2

Ɔl di tɛm we a bin de wit una, a bin mekɔp fɔ jɛs de tɔk nɔmɔ bɔt Jizɔs Krays we dɛn kil na di krɔs.

Apɔsul Dɛn Wok 15:2

Pɔl ɛn Banabas nɔ bin gri wit di tin we dɛn pipul ya bin de lan di pipul dɛn na Antiɔk, so dɛn bigin agyu traŋa wan wit di Judia pipul dɛn bɔt dat. Dɛn gri fɔ mek Pɔl ɛn Banabas ɛn sɔm ɔda Kristiɛn dɛn na Antiɔk go Jerusɛlɛm fɔ tɔk bɔt dat to di apɔsul dɛn ɛn dɛn bigman na di chɔch.

Apɔsul Dɛn Wok 11:29

Jizɔs in lanin bɔy dɛn gri fɔ ɛp dɛn Kristiɛn na Judia.

Apɔsul Dɛn Wok 15:37

Banabas bin want mek dɛn kɛr Jɔn Mak go,