2 Kɔrint 11:3 - Krio Fɔs Oli Baybul

³ A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

2 Kɔrint 11:3 Referans Kwoze

Lɛta Fɔ Kɔlɔse 2:8

Una luk shap, mek nɔbɔdi nɔ mek una ful ɛn tɔn una lɛkɛ slev wit in yon mɔtalman sɛns we nɔ min natin; di tin dɛn we dɛn pipul ya de tɔk na wetin dɛn lɔntɛm pipul bin de lan pipul, ɛn na dɛn spirit we de rul dis wɔl mek dɛn no dɛn tin ya. Dɛn tin ya nɔ kɔmɔt to Krays.

Lɛta Fɔ Galeshya 1:6

A wɔnda pan una we kwik kwik wan so una dɔn lɛf fɔ fala Gɔd we kɔl una bikɔs Krays gud to una. Una de tek ɔda mɛsej se na di Gud Nyuz.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Lɛta Fɔ Kɔlɔse 2:4

So una nɔ mek ɛnibɔdi agyu wit una ɛn tek lay mek una ful, ilɛk sɛf i tan lɛkɛ se na tru dɛn de tɔk.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Fɔs Lɛta To Timoti 2:14

nɔto Adam di snek bin mek ful, na di uman; na dat mek di uman sin.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Jɛnɛsis 3:13

PAPA GƆD aks di uman se, “Wetin mek yu du so?” Di uman ansa se, “Na di snek ple in kɔni pan mi ɛn mek a it am.”

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Jɛnɛsis 3:4

Di snek tɔk bak se, “Dat nɔto tru; una nɔ go day.

Jɔn In Fɔs Lɛta 2:18

Mi pikin dɛn, di tɛm we di wɔl go dɔn, dɔn kam klos. Dɛn bin dɔn tɛl una se di wan we nɔ lɛk Krays atɔl gɛt fɔ kam, ɛn plɛnti pipul we nɔ lɛk Krays dɔn kam naw; na dat mek wi no se di tɛm we di wɔl go dɔn, dɔn kam klos.

Pita In Sɛkɛn Lɛta 3:17

Mi padi dɛn we a lɛk, we una dɔn no dɛn tin ya bifo dɛn bi, una fɔ tek tɛm mek dɛn pipul ya we nɔ de kip Gɔd in lɔ nɔ drɔ una fɔ fala dɛn ɛn mek una yon at nɔ stɛdi.

Lɛta Fɔ Galeshya 4:11

Mi at de wɔri fɔ una, na fɔ natin a dɔn lebɔ pan una?

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Pita In Sɛkɛn Lɛta 3:3

Di fɔs tin we a want tɛl una nain dis: wɛn di wɔl want dɔn, pipul go kam we go de laf una ɛn mek una ful. Dɛn go de du wetin dɛn at gi dɛn fɔ du.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Fɔs Lɛta Fɔ Tɛsalonayka 3:5

Na dat mek a sɛn Timoti fɔ fɛnɔt if una stil biliv pan Krays. A nɔ bin ebul bia igen we a nɔ yɛri ɛnitin frɔm una. A bin de wɔri se sɔntɛm Setan dɔn gɛt una ɛn ɔl wi lebɔ dɔn go fɔ natin.

Lɛta Fɔ Ɛfisɔs 6:24

Mek Gɔd blɛs dɛn pipul we lɛk wi Masta, Jizɔs Krays fɔ tru.

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Taytɔs 1:10

Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.

Fɔs Lɛta To Timoti 1:3

Yu nɔ fɔ kɔmɔt na Ɛfisɔs lɛkɛ aw a bin tɛl yu di tɛm we a bin de go Masidonia, so dat yu go tɛl dɛn pipul we de lan ɔda pipul tin we wi nɔ lan dɛn, mek dɛn lɛf fɔ du dat.

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

2 Kɔrint 11:29

Wɛn dɛn du pɔsin bad, i kin tan lɛkɛ se na mi dɛn du bad; wɛn pɔsin sin, i kin at mi bad.

Lɛta Fɔ Rom 12:8

If i mek wi sabi fɔ kɔrej pipul, wi fɔ kɔrej pipul. If Gɔd gi ɛnibɔdi gudat fɔ sheb wetin i gɛt wit ɔda pipul, di pɔsin fɔ de du dat wit ɔl in at; ɛnibɔdi we Gɔd gi pawa fɔ rul, fɔ rul lɛkɛ soba pɔsin; ɛnibɔdi we Gɔd gi ajo, fɔ gladi fɔ sho am.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.

Di Sam Dɛm 119:53

A kin vɛks we a yɛri bɔt pɔsin we nɔ bisin bɔt wetin yu se.

Jɛnɛsis 3:1

Naw di snek bin kɔni pas ɔl di ɔda animal dɛn we PAPA GƆD bin mek. Di snek aks di uman se, “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?”

Jɛnɛsis 3:20

Adam gi in wɛf nem Iv bikɔs nain na di mama fɔ ɔl mɔtalman.

2 Kɔrint 11:20

Una de bia wit ɛni pɔsin we de mek lɛkɛ se in na una bɔs, we de tek advantej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Rɛvɛleshɔn 12:15

So di dragɔn bigin pul plɛnti wata kɔmɔt nain mɔt we bigin rɔn biɛn di uman fɔ kɛr am go.