2 Kɔrint 1:9 - Krio Fɔs Oli Baybul

⁹ Wi bin mɛmba se Gɔd dɔn kɔndɛm wi se wi fɔ day. Dat bi fɔ sho wi se wi nɔ fɔ abop pan wisɛf, wi fɔ abop pan Gɔd in wangren, we de mek dɛn wan we dɔn day rayz frɔm dɛn grev.

2 Kɔrint 1:9 Referans Kwoze

2 Kɔrint 3:5

Wi nɔ ebul du ɛnitin bay wisɛf, so wi nɔ go tɔk se wi ebul, na Gɔd de mek wi ebul du ɛnitin we wi de du.

Di Ibru Pipul Dɛn 11:19

Bɔt Ebraam bin biliv se Gɔd ebul mek Ayzak rayz bak, if i day. So, wi kin se, ivin we Ayzak nɔ day, i tan lɛkɛ pɔsin we bin dɔn day, bɔt i rayz bak ɛn fala Ebraam.

2 Kɔrint 4:7

Dis wɔndaful layt ɛn pawa we di Spirit de gi, ɛn we mɔni nɔ ebul bay, de insay wi we jɛs tan lɛkɛ kɔntri pɔt. Dat sho se di pawa fɔ kɔntrol ɔltin de na Gɔd in an, i nɔ de na wi an.

Job 40:14

Datɛnde, a go se yu du wɛl, ɛn se na ɔl bay yusɛf yu du ɔl dat.

Lyuk 18:9

Jizɔs pul parebul fɔ dɛn pipul we biliv se dɛn de waka tret wit Gɔd ɛn dɛn luk se di ɔda pipul dɛn nɔ de waka tret. I se:

Prɔvabs 28:26

Udat biliv pan in yon sɛns nɔmɔ na fulman, bɔt udat liv in layf bay wetin dɛn sɛnsman tich nɔ de gɛt prɔblɛm.

Izikɛl 33:13

Ivin do a se to di wan we de waka tret, dat i go liv fɔ tru tru, stil if i ɛng pan in tret we i de waka, dɔn i go du bad bad wikɛdnɛs, dɛn nɔ go mɛmba nɔn pan in gud dɛn, we i bin de waka tret; bɔt i go day pan di bad bad wikɛdnɛs we i dɔn du.

Di Sam Dɛm 22:29

Ɔl udat de kak, go gɛt pati bɔt dɛn go mɛmba fɔ tɛl PAPA GƆD tɛnki; dɛn ɔl, wans dɛn na mɔtalman we gɛt fɔ day. Dɛn go ala se in na PAPA GƆD!

Prɔvabs 14:32

Udat de du bad jɛs de alaki insɛf, bɔt yu de du gud nain gud de fala am.

Ayzaya 38:10

A bin tɔk se, we a yɔŋ, A jɔs gɛt f day; dɛn put mi fɔ go usay dayman dɛn de fɔ di rɛst ɔf mi layf.

Lɛta Fɔ Rom 8:36

Lɛkɛ aw dɛn rayt na Gɔd in Buk we dɛn se, “Papa Gɔd, na fɔseka yu, pipul de tray fɔ kil wi ɔltɛm; dɛn de trit wi lɛkɛ ship we dɛn gɛt fɔ kil.”

2 Kɔrint 1:8

Mi kɔmpin Kristiɛn dɛn, wi want mek una mɛmba di trɔbul we mit wi na Eshya. Di waala na wi ed bin so plɛnti dat wi bin mɛmba se ɔltin dɔn fɔ wi.

2 Kɔrint 1:10

I pul wi kɔmɔt na day rod, ɛn i go du dat bak; wi no se we una de ɛp wi pre, Gɔd go de pul wi pan denja ɔltɛm. I go ansa dɛn pre we plɛnti pipul de pre fɔ wi, ɛn i go blɛs wi; we dat bi, plɛnti pipul go tɛl am tɛnki fɔ wetin i du fɔ wi.