2 Kɔrint 1:4 - Krio Fɔs Oli Baybul

⁴ I de kɔrej wi ɔltɛm we wi de pan trɔbul, so dat di kɔrej we i de kɔrej wi kin mek wisɛf ebul fɔ kɔrej ɔda pipul ɛnitɛm we dɛn de pan trɔbul.

2 Kɔrint 1:4 Referans Kwoze

Fɔs Lɛta Fɔ Tɛsalonayka 5:11

So una fɔ stil de kɔrej ɛn ɛp una kɔmpin Kristiɛn dɛn, lɛkɛ aw una de du naw.

Ayzaya 51:12

“Mi, na Mi na di wan we de kɔnfɔt yu; udat na yu, we yu de fred mɔtalman we gɛt fɔ day, we de fred mɔtalman we dɛn mek lɛk gras,

Ayzaya 40:1

Una koks, una koks mi pipul dɛn na so una Gɔd se.

Di Sam Dɛm 32:7

Na yu a tek mek telem; yu de rawnd mi fɔ kɔba mi we de mek pipul gladi ɛn siŋ bɔt aw yu pul mi pan trɔbul.

Di Ibru Pipul Dɛn 12:12

Una mek una an we wik ɛn una fut we nɔ gɛt trɛnk, traŋa.

Jɔn 14:18

“Wɛn a go, una nɔ go lɛf lɛkɛ pipul we nɔ gɛt nɔbɔdi fɔ ɛp dɛn, a go kam bak to una.

Jɔn 14:16

A go aks mi Papa fɔ gi una ɔda pɔsin we go de ɛp una fɔ du wetin Gɔd want ɛn i go sɛn di pɔsin kam. Da pɔsin go de wit una sote go.

Ayzaya 12:1

Una go tɔk da de de se: “A go tɛl yu tɛnki PAPA GƆD, ɔldo yu bin vɛks pan mi yu at dɔn kol, ɛn yu bin koks mi.

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

Ayzaya 52:9

Una ɔl bigin siŋ togɛda, una dɛn ɛmti ples dɛn na Jerusɛlɛm; bikɔs PAPA GƆD dɔn koks in pipul dɛn, I dɔn ridim Jerusɛlɛm.

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Fɔs Lɛta Fɔ Tɛsalonayka 4:18

Una tek dɛn wɔd ya fɔ kɔrej una kɔmpin Kristiɛn dɛn.

2 Kɔrint 7:13

Na dat mek wi gɛt kɔrej. Pantap di kɔrej we una gi wi, Taytɔs mek wi gladi bikɔs aw una ɔl bin ɛp fɔ tɔk to am, mek i gladi.

Ayzaya 51:3

Bikɔs PAPA GƆD go koks Zayɔn; I go kɔnfɔt ɔl in ɛmti ples dɛn we dɔn pwɛl, ɛn i go mek in dray ɛn ɛmti ples tan lɛk Idɛn, In ɛmti ples we pɔsin nɔ go ebul tap, go tan lɛk PAPA GƆD in gadin; na jɔy ɛn gladi gladi go de de, wit tanksgivin ɛn pipul dɛn we de siŋ.

Di Sam Dɛm 86:17

PAPA GƆD du sɔntin fɔ sho se yu stil lɛk mi so dat mi ɛnimi dɛn go si ɛn kɔle. Lɛ dɛn shem ɛn disgres bikɔs yu PAPA GƆD we na mi PAPA GƆD dɔn ɛp mi, yu dɔn koks mi.

Di Sam Dɛm 66:16

Ɔl udat de fred ɛn rɛspɛkt PAPA GƆD, una kam lisin! Mek a tɛl una ɔl wetin PAPA GƆD dɔn du fɔ mi.

Ayzaya 49:10

dɛn nɔ go aŋri ɛn dɛn nɔ go tɔsti, ɔt briz ɔ san sɛf go mɔna dɛm, bikɔs na di wan we de sɔri fɔ dɛn go lid dɛm, ɛn na usay watasay dɛn de i go pas dɛn.

Lɛta Fɔ Filipay 1:14

Pantap dat, bikɔs a de na jel, di Kristiɛn dɛn we de abop pan di Masta mɔ ɛn mɔ, de plɛnti mɔ ɛn mɔ ɛn dat mek dɛn nɔ de fred fɔ tɔk Gɔd in wɔd ɛn dɛn nɔ bisin bɔt wetin pipul go du dɛn.

2 Kɔrint 7:4

A shɔ se una nɔ go disapɔynt mi, una de mek mi ed big! Pan ɔl wi waala a stil gɛt kɔrej, a gladi bad bad wan.