2 Kɔrint 1:3 - Krio Fɔs Oli Baybul

³ Lɛ wi tɛl Gɔd we na wi Masta Jizɔs in Papa, tɛnki; nain de sɔri fɔ wi we nain pikin dɛn ɛn nain de kɔrej wi ɔltɛm.

2 Kɔrint 1:3 Referans Kwoze

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Lɛta Fɔ Filipay 2:11

ɛn tɔk se Jizɔs na di Masta, ɛn ɔlman go prez Gɔd we na wi Papa.

Lɛta Fɔ Ɛfisɔs 1:17

A de beg Gɔd, we na wi Masta Jizɔs Krays in Papa, we gud, fɔ gi unain Spirit. Di Spirit go mek una gɛt sɛns ɛn i go sho una Gɔd, so dat una go no am mɔ ɛn mɔ.

Jɔn In Sɛkɛn Lɛta 1:9

Ɛnibɔdi we nɔ jɛs de lan pipul wetin Krays lan am nɔmɔ, bɔt i de lan dɛn ɔda tin miks, da pɔsin de nɔ gɛt Gɔd nain at. Ɛnibɔdi we de lan pipul wetin Krays lan am, di Papa ɛn in Pikin de nain at.

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

2 Kɔrint 11:31

Gɔd, we na Masta Jizɔs in Papa, no se a nɔ de lay. Mek ɔlman prez Masta Jizɔs in nem sote go!

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Di Sam Dɛm 18:46

PAPA GƆD de! Lɛ wi prez am! Lɛ we prez di PAPA GƆD we sev mi!

Nɛimaya 9:5

Di Livayt dɛn we na Jɛshwa, Kadmiɛl, Bani, Ashabnia, Sherɛbaya, Odaya, Shibanaya ɛn Pɛtaya se mek ɔlman tinap ɛn prez PAPA GƆD, di GƆD we go de sote go. Dɛn se, “Mek wi blɛs PAPA GƆD in nem. Di nem we pas ɔl ɔda nem we wi kin prez.

Jɔn In Sɛkɛn Lɛta 1:4

A bin gladi bad we a yɛri se sɔm pan yu pikin dɛn de fala wetin tru, lɛkɛ aw wi Papa tɛl wi fɔ du.

Jɔn 10:30

Mi ɛn mi Papa na wan.”

Jɛnɛsis 14:20

Lɛ wi prez PAPA GƆD we pas ɔl we dɔn mek yu bit yu ɛnimi dɛn!” Ebram sheb ɔl di tin dɛn we di ɛnimi bin dɔn lut tɛn pat. Ɛn i gi Mɛlkizidɛk wan pat.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Job 1:21

I se, ‘we a bɔn, a nɔ kam wit natin, semweso we a day, a nɔ gɛt fɔ kɛr natin go; na PAPA GƆD gi mi ɔl wetin a gɛt ɛn na PAPA GƆD dɔn tek dɛn na mi an bak; mek ɔlman prez in nem.’

1 Kronikuls 29:10

So Devid blɛs PAPA GƆD bifo dɛn ɔl we gɛda de; ɛn Devid tɔk se, “Yu gɛt blɛsin PAPA GƆD we na Izrɛl dɛn Gɔd, we na wi Papa, sote go ɛn sote go.

Di Sam Dɛm 68:35

PAPA GƆD, yu wɔndaful! Yu du fɔ fred usay yu de. Yu we na Izrɛl dɛn PAPA GƆD de gi pawa ɛn trɛnk to yu pipul. Una lɛ wi prez PAPA GƆD!

Ayzaya 66:13

Lɛk pikin we in mami de bayo bayo, na so a go bayo bayo una; una go gɛt kɔnfɔt na Jerusɛlɛm.

2 Kɔrint 7:6

Bɔt Gɔd we de kɔrej dɛn wan we dɛn at pwɛl, kɔrej wi wɛn Taytɔs kam.

Lɛta Fɔ Kɔlɔse 1:3

Ɔltɛm we wi de pre fɔ una, wi kin tɛl Gɔd, we na wi Masta Jizɔs Krays in Papa, tɛnki.