2 Kɔrint 1:12 - Krio Fɔs Oli Baybul

¹² Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

2 Kɔrint 1:12 Referans Kwoze

1 Kɔrint 2:13

Nɔto di we we mɔtalman sho wi, wit dɛn yon sɛns, fɔ tɔk dɛn tin ya, wi de tɔk dɛn, na bay aw Gɔd in Spirit sho wi, na di sɛns we di Spirit gi wi, wi de tek tɔk bɔt dɛn tru tin we di Spirit de tɛl wi.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Fɔs Lɛta Fɔ Tɛsalonayka 2:10

Una no, una we biliv di Gud Nyuz, ɛn Gɔd sɛf no aw wi bin de du wɛn wi bin de wit una. Wi layf bin tan lɛkɛ aw Gɔd want am fɔ tan, i bin tret ɛn klin.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Di Ibru Pipul Dɛn 13:18

Una pre fɔ wi ɔltɛm. Wi no gud wan se wi dɔn du ɔl wetin wi no se wi fɔ du, bikɔs wi bin want du wetin rayt ɔltɛm.

2 Kɔrint 8:8

A nɔ de gi una lɔ. Bɔt we a de tɛl una aw ɔda pipul want ɛp fɔ du dis wok bad bad, a de tray fɔ si if di lɛk we una lɛk fɔ gi, kɔmɔt na una at.

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Apɔsul Dɛn Wok 24:16

So a de tray ɔltɛm mek mi at klin bifo Gɔd ɛn bifo mɔtalman.

Apɔsul Dɛn Wok 23:1

Pɔl luk di mɛmba dɛn ɔl ɛn se, “Mi brɔda dɛn, frɔm we a no misɛf sote tide, a nɔ gɛt nɔ dawt na mi at se wetin a de du bifo Gɔd, rayt.”

Job 13:15

A nɔ bisin bɔt natin igen na dis wɔl, bikɔs a no se PAPA GƆD gɛt fɔ kil mi, bɔt a go tɛl am wetin de na mi at.

Pita In Fɔs Lɛta 3:16

bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Lɛta Fɔ Ɛfisɔs 6:14

So una fɔ tinap traŋa: mek ɔl wetin tru bi di bɛlt we una fɔ tay; mek di rayt we bi di ayɛn plet we una go wɛr fɔ kɔba una chɛst wɛn una de fɛt.

Lɛta Fɔ Galeshya 6:4

Ɔlman fɔ tink bɔt wetin i de du ɛn jɔj insɛf if wetin i de du rayt; if i de du wetin rayt, dɛn i kin bost. I nɔ fɔ luk wetin ɔda pipul de du fɔ jɔj wetin in de du.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

2 Kɔrint 1:17

We a bin dɔn mekɔp fɔ du so, dɔn a chenj, i nɔ bin tan lɛkɛ se mi na pɔsin we nɔ siriɔs? Wɛn a want du sɔntin, na misɛf nɔmɔ a kin mɛmba? Una tink se a go se “Yɛs” wan minit ɛn “Nɔ” di ɔda minit?

1 Kɔrint 5:8

So lɛ wi ɔl gladi fɔ dis Pasova ya. Wɛn wi de gladi, wi nɔ fɔ it bred we gɛt bad yist, da yist de na sin ɛn bad layf, wi fɔ it bred we nɔ gɛt yist, da bred de na klin ɛn tret layf.

1 Kɔrint 4:4

Mi kɔnshɛns klia, bɔt dat nɔ min se a nɔ gɛt fɔlt. Na di Masta nɔmɔ go jɔj mi.

Lɛta Fɔ Rom 9:1

Na tru wɔd a de tɔk; a nɔ de lay bikɔs mi na Krays yon pɔsin. Mi at we Gɔd in Spirit de rul, insɛf de tɛl mi se, fɔ tru, a nɔ de lay.

Ayzaya 38:3

“E PAPA GƆD, duya mɛmba ɔl wetin a dɔn du ɛn aw a dɔn waka tret wit yu wit ɔl mi at ɛn na wetin rayt bifo yu yay a bin de du.” Ɛzikaya kray bita bita wan.

Jɔshwa 24:14

So Jɔshwa tɛl di Izrɛlayt dɛn se na ɔl dat mek dɛn fɔ put PAPA GƆD nɔmba wan na dɛn at; dɛn fɔ trowe ɔl dɛn fɔrin gɔd dɛn we dɛn fɔstɛmpapa dɛn bin de wɔship na Mɛsopotemia ɛn Ijipt, sav PAPA GƆD wit ɔl dɛn at ɛn waka tret wit an.

Jems 4:6

Bɔt di blɛsin we Gɔd gi wi pas di bad we de na wi at. Dɛn rayt na Gɔd in Buk se, “Gɔd nɔ de gri mek dɛn prawd pipul gɛt dɛn yon we, bɔt i de blɛs dɛn wan we nɔ prawd.”

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

1 Kɔrint 1:17

Krays nɔ sɛn mi kam fɔ baptayz pipul, i sɛn mi fɔ kam tɛl pipul di Gud Nyuz. Bɔt a nɔ fɔ tek mɔtalman yon sɛns du dat; if a du so, i go tan lɛkɛ se fɔ tɔk plen wan nɔmɔ bɔt di day we Krays day na di krɔs nɔ gɛt pawa fɔ tɔch pipul at.

1 Kɔrint 12:8

Gɔd in Spirit de gi wan pɔsin in yon sɛns fɔ tɔk in mɛsej, di sem Spirit de mek ɔda pɔsin sabi aw fɔ tɔk Gɔd in mɛsej pas in kɔmpin.

2 Samiɛl 22:22

A de du wetin PAPA GƆD se, a nɔ sin bikɔs a nɔ tɔn mi bak pan PAPA GƆD.