2 Kɔrint 1:1 - Krio Fɔs Oli Baybul

¹ Mi, Pɔl, we bi Krays Jizɔs in apɔsul bikɔs na dat Gɔd want, ɛn wi Kristiɛn brɔda Timoti, de rayt to una ɔl we na Gɔd in pipul dɛn na Kɔrint, ɛn dɛn wan we de ɔlɔbɔt na Gris.

2 Kɔrint 1:1 Referans Kwoze

Sɛkɛn Lɛta To Timoti 1:1

Na mi Pɔl, we dɔn bi Krays Jizɔs in apɔsul bikɔs Gɔd want mi fɔ bi so, na mi Gɔd sɛn fɔ kam tɔk bɔt di layf we i prɔmis fɔ gi wi, ɛn we wi gɛt bikɔs wi gɛt wanwɔd wit Krays Jizɔs.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Lɛta Fɔ Ɛfisɔs 1:1

Mi, Pɔl, we Gɔd pik fɔ bi Jizɔs Krays in apɔsul de rayt to di Kristiɛn dɛn we de na Ɛfisɔs, dɛn tru to Gɔd bikɔs dɛn gɛt wanwɔd wit Masta Jizɔs Krays.

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

Lɛta Fɔ Galeshya 1:1

Mi, Pɔl, we na apɔsul wit mi kɔmpin Kristiɛn dɛn, de tɛl di chɔch mɛmba dɛn na Galeshya adu. Nɔto mɔtalman pik mi ɔ gi mi di pawa fɔ bi apɔsul; na Jizɔs Krays ɛn Gɔd we na wi Papa we mek Jizɔs Krays rayz frɔm di grev, pik mi fɔ bi apɔsul.

1 Kɔrint 16:10

Bɔt if Timoti rich to una, una mek i fil se una gladi fɔ we i go to una, bikɔs insɛf de wok fɔ di Masta lɛkɛ mi.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Apɔsul Dɛn Wok 16:1

Pɔl go sote i rich Dabi ɛn Listra. I mit wan Kristiɛn man na Listra we bin nem Timoti. In mama na bin Ju uman we bin biliv pan di Masta, bɔt Timoti in papa na bin Grik man.

Di Ibru Pipul Dɛn 13:23

A want mek una no se dɛn dɔn pul wi brɔda Timoti kɔmɔt na jel. If i kam kwik, a go briŋ am kam wɛn a de kam to una.

Sɛkɛn Lɛta Fɔ Tɛsalonayka 1:1

Mi, Pɔl, Saylas ɛn Timoti de sɛn dis lɛta to una di chɔch mɛmba dɛn na Tɛsalonayka; una na Gɔd we na wi Papa ɛn Masta Jizɔs Krays yon pipul.

Fɔs Lɛta Fɔ Tɛsalonayka 1:1

Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at.

2 Kɔrint 11:10

A prɔmis una se, ɛni say we a go na Gris, a go de bost se a nɔ tek pe na una an, ɛn na tru wɔd we Krays insɛf put na mi at a de tɔk.

2 Kɔrint 9:2

Bikɔs a no se una want ɛp, ɛn a dɔn tɔk to di pipul dɛn na Masidonia, se, “Di Kristiɛn brɔda dɛn na Gris dɔn rɛdi fɔ ɛp una sins las ia.” Plɛnti pan dɛn dɔn bigin ɛp we dɛn yɛri aw una want ɛp bad bad.

1 Kɔrint 16:15

Una dɔn yɛri bɔt Stɛfanas ɛn in fambul dɛn; na dɛn fɔs biliv pan Krays na Gris, ɛn dɛn dɔn gi ɔl dɛn layf fɔ wok fɔ Gɔd in pipul dɛn. Mi kɔmpin Kristiɛn dɛn, a de beg una

1 Kɔrint 10:32

Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd.

Lɛta Fɔ Rom 16:21

Timoti, we de wok wit mi, de tɛl una adu; ɛn Lushyɔs, Jesɔn, Sosipata dɛnsɛf de tɛl una adu, dɛn na mi Ju kɔntriman dɛm.

Lɛta Fɔ Rom 16:5

A de tɛl dɛn Kristiɛn we de kip mitin na Prisila ɛn Akwila dɛn os, adu. A de tɛl mi gud padi, Ipinitɔs, adu, nain na di fɔs pɔsin we biliv pan Krays na wan pat na Eshya.

Lɛta Fɔ Rom 15:26

Bikɔs di chɔch mɛmba dɛn na Masidonia ɛn Gris dɔn mekɔp fɔ gi dɛn Kristiɛn we nɔ gɛt natin na Jerusɛlɛm sɔm mɔni.

1 Kɔrint 16:24

A de tɛl una se a lɛk una bikɔs wi ɔl na Krays Jizɔs yon pipul.

2 Kɔrint 1:19

Bikɔs Jizɔs Krays, we na Gɔd in Pikin, we Saylas, Timoti ɛn misɛf bin de tɛl una bɔt, nɔto pɔsin we gɛt tu mɔt. Bɔt in na di ansa, “Yɛs,”

2 Kɔrint 1:23

Gɔd na mi witnɛs i no wetin de na mi at! Na bikɔs a nɔ bin want fɔ mek una fil bad mek a bin mekɔp nɔ fɔ go to una na Kɔrint.

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Faylimɔn 1:1

Mi, Pɔl, we de na jel fɔseka Jizɔs Krays, mi ɛn wi brɔda Timoti, de rayt yu, Faylimɔn, wi Kristiɛn brɔda we de ɛp wi pan di wok.