Fɔs Lɛta To Timoti 6:9 - Krio Fɔs Oli Baybul

⁹ Bɔt dɛn wan we want jɛntri go want du bad, ɛn dɛn fulish tin we dɛn want we nɔ gud fɔ dɛn, na trap we de mek dɛn layf pwɛl ɔltogɛda.

Fɔs Lɛta To Timoti 6:9 Referans Kwoze

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.

Fɔs Lɛta To Timoti 3:7

I fɔ bi man we pipul we nɔto Kristiɛn sɛf de tɔk gud bɔt, so dat shem nɔ go mit am ɛn i nɔ go fɔdɔm insay Setan in trap.

Apɔsul Dɛn Wok 8:20

Pita ansa am se, “Yu ɛn yu kɔpɔ go go na ɛl, bikɔs yu tink se yu kin bay wetin Gɔd dɔn gi wi.

Matyu 13:22

Dɛn sid we fɔdɔm midul chuk chuk bush na dɛn wan we yɛri di wɔd bɔt mi, bɔt di waala ɛn di jɛntri we dɛn want na dis wɔl kil di wɔd na dɛn at, dat mek dɛn nɔ du plɛnti tin fɔ Gɔd.

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Mak 4:19

bɔt di tin dɛn na dis wɔl we dɛn want du, di jɛntri we dɛn want, ɛn di ɔda tin dɛn we dɛn want mek di Gud Nyuz nɔ gɛt ples fɔ prɛd na dɛn at lɛkɛ wɛn plant de bia.

Matyu 26:15

I aks dɛn se, “Ɔmɔs una go pe mi if a mek una ol Jizɔs?” Dɛn pe am tati silva kɔpɔ.

Matyu 19:22

Wɛn di yɔŋman yɛri wetin Jizɔs tɔk, in at pwɛl wɛn i lɛf Jizɔs de go, bikɔs i bin jɛntri bad.

Prɔvabs 22:16

Udat sɔprɛs poman fɔ lɛ in jɛntri, ɔ de gi jɛntri man we de mek i gɛt mɔ, go ɛnd ɔp fɔ bi poman.

Prɔvabs 21:6

If na lay ɛn koŋosa yu abop pan fɔ jɛntri, ɔltin go lɔs pan yu lɛkɛ smok, ɛn na so yu go day.

Prɔvabs 20:21

Ɛni prɔpati ɔ jɛntri we yu gɛt bay kruk ɔ aramu nɔ de bɛtɛ yu tumara.

Sɛkɛn Lɛta To Timoti 2:26

Da tɛm de dɛn go kechɔp se wetin dɛn bin de du nɔ rayt ɛn dɛn go kɔmɔt insay Setan in trap; Setan bin dɔn kech dɛn ɛn i bin de mek dɛn du wetin i want.

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Lyuk 21:35

Lɛkɛ aw trap kin kech bif, na so da de de go kam pan ɔlman ɔlɔbɔt na wɔl.

Zɛkaraya 11:5

Di wan dɛn we de bay dɛn fɔ kil dɛn nɔ gɛt pɔnishmɛnt fɔ dat; dɔn di wan dɛn we de sɛl dɛn de blɛs PAPA GƆD fɔ we dɛn dɔn mek bɔku mɔni bikɔs di wan dɛn we de mɛn dɛn nɔ de sɔri fɔ dɛnsɛf.

Ayzaya 5:8

Swɛ go fɔdɔm pan dɛm, dɛn wan we jɛs de gɛda os, ɛn jɛs de gɛda grɔn, sote nɔn say sɛf nɔ lɛf igen, ɛn na yu wangren dɛn go mek tap na di land.

Prɔvabs 23:4

Nɔ kil yusɛf yu de fɛn jɛntri, tek tɛn fɔ du am;

Di Sam Dɛm 11:6

I go mek faya ɛn sɔlfa we de bɔn ɛn smɛl fɔdɔm pan udat bad, lɛk we ren de fɔdɔm, dɔn ɔt, ɔt, briz go blo we go mek ɔltin dray.

Jɔshwa 7:11

PAPA GƆD se Izrɛl dɔn kɔmit sin bikɔs dɛn dɔn jomp in wɔd. I se di agrimɛnt we dɛn bin gɛt, na fɔ nyakanyaka ɔltin na Jɛriko, bɔt dɛn dɔn tif sɔm pan di tin dɛn put pan dɛn yon ɛn dɛn de lay.

Ditarɔnɔmi 7:25

Di Izrɛlayt dɛn fɔ bɔn ɔl dɛn ɛnimi dɛn lay lay gɔd we dɛn de wɔship, ɛn dɛn nɔ fɔ tek dɛn silva ɛn dɛn gold we de pan di lay lay gɔd dɛn, lɛ dɛn nɔ go gɛt trɔbul, bikɔs na tin dat we PAPA GƆD et, ɛn dat kin mek i vɛks bad bad wan.

Di Nɔmba Dɛm 31:8

Pan di wan dɛn we dɛn kil na Ɛvi, Rɛkɛm, Zɔ, Ɔ, ɛn Rɛba we na di fayv kiŋ na Midian. Dɛn bin kil Belam we na Beɔ in bɔypikin sɛf na di fɛt we dɛn fɛt.

Matyu 6:19

“Una nɔ fɔ kip plɛnti dia tin fɔ unasɛf na dis wɔl, bikɔs una fɔ no se wɔrɔm go pwɛl dɛn, dɛn go rɔsti ɛn tifman go brok una os go insay ɛn tif dɛn.

Lyuk 12:21

Jizɔs se, “Na so i go bi fɔ dɛn pipul we jɛs de gɛda prɔpati nɔmɔ, bɔt Gɔd no se dɛn nɔ gɛt natin.”

Fɔs Lɛta To Timoti 6:10

Fɔ lɛk mɔni de mek pɔsin du ɔl kayn bad tin. Sɔm Kristiɛn dɛn we bin want mɔni bad bad dɔn lɛf fɔ fala Gɔd, bɔku waala dɔn pwɛl dɛn at.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

1 Kiŋ 21:6

I ansa am se in beg Nebɔth da Jɛzrilayt fɔ lɛ i sɛl in vayn fam gi am, i nɔ gri; i se pan ɔl we i se in go gi am ɔda vayn frut fam fɔ da wande, Nebɔth stil nɔ gri.