Fɔs Lɛta To Timoti 6:6 - Krio Fɔs Oli Baybul

⁶ Fɔ du wetin Gɔd want de mek pɔsin jɛntri, if da pɔsin de satisfay wit in layf ɛn gladi fɔ di wok we i de du.

Fɔs Lɛta To Timoti 6:6 Referans Kwoze

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

Fɔs Lɛta To Timoti 6:8

If wi gɛt it fɔ it ɛn klos fɔ wɛr nɔmɔ, wi fɔ satisfay.

Prɔvabs 16:8

I bɛtɛ lɛ yu gɛt smɔl tin we yu du tin tret wan pas fɔ jɛntri pan kukujumuku.

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Lɛta Fɔ Filipay 1:21

Fɔ mi yon wan pat, a liv ɔl mi layf fɔ Krays nɔmɔ, bɔt if a day, a go gɛt layf we bɛtɛ pas dis layf.

Prɔvabs 15:16

I bɛtɛ lɛ yu po ɛn gɛt PAPA GƆD na yu at, pas fɔ jɛntri wit bɔku bɔku prɔblɛm.

Di Sam Dɛm 37:16

Di lilibit we di gud man gɛt bɛtɛ fawe pas di jɛntri we di man we de du bad gɛt;

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Lyuk 3:14

Dɛn soja man dɛnsɛf se, “We wi, wetin wi fɔ du, sa?” Jɔn ansa se, “Una nɔ fɔ fɛt pipul tek dɛn kɔpɔ, una nɔ fɔ lay pan pipul fɔ mek una gɛt mɔni. Una fɔ satisfay wit di mɔni we dɛn pipul we una de wok fɔ de pe una.”

Ɛksodɔs 2:21

Mozis gri fɔ tap wit di man ɛn i gi am in gyal pikin Zipora fɔ mared.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Prɔvabs 28:25

Bigyay pɔsin de briŋ plaba na ples, bɔt bɛtɛ go fala udat trɔs PAPA GƆD.

Jɛrimaya 35:9

ɛn nɔ fɔ bil os fɔ tap. Wi nɔ gɛt nɔn greps fam ɔ fam ɔ sid;

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

2 Kiŋ 6:2

so dɛn want fɔ go kɔt tik dɔŋ Riva Jɔdan we dɛn go tek mek abule. I ansa dɛn se lɛ dɛn go.