Fɔs Lɛta To Timoti 6:20 - Krio Fɔs Oli Baybul

²⁰ Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Fɔs Lɛta To Timoti 6:20 Referans Kwoze

Lɛta Fɔ Kɔlɔse 2:8

Una luk shap, mek nɔbɔdi nɔ mek una ful ɛn tɔn una lɛkɛ slev wit in yon mɔtalman sɛns we nɔ min natin; di tin dɛn we dɛn pipul ya de tɔk na wetin dɛn lɔntɛm pipul bin de lan pipul, ɛn na dɛn spirit we de rul dis wɔl mek dɛn no dɛn tin ya. Dɛn tin ya nɔ kɔmɔt to Krays.

Sɛkɛn Lɛta To Timoti 2:16

Nɔ lisin to dɛn fulish tɔk we nɔ gɛt natin fɔ du wit Gɔd, ɛn we jɛs de mek pipul lɛf fɔ fala Gɔd mɔ ɛn mɔ.

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

Lɛta Fɔ Rom 3:2

A go ansa se dat gɛt plɛnti bɛnifit fɔ dɛn. Fɔst ɔf ɔl, na to di Ju dɛn Gɔd sɛn in mɛsej fɔ mek dɛn biliv pan am ɛn tɛl ɔda pipul.

Fɔs Lɛta To Timoti 6:14

Yu fɔ du ɔl wetin a dɔn tɛl yu, yu nɔ fɔ miks pan sin, so dat nɔbɔdi nɔ go blem yu frɔm naw te wi Masta Jizɔs kam bak.

Sɛkɛn Lɛta Fɔ Tɛsalonayka 2:15

Wi Kristiɛn pipul dɛn, una nɔ fɔ chenj wetin una biliv, ɛn ɔltɛm una at fɔ de pan ɔl wetin wi pipul dɛn bin lan wi, ɛn we wisɛf bin lan una, wɛn wi bin de tɔk to una ɛn wɛn wi rayt una di fɔs lɛta.

Taytɔs 3:9

Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Sɛkɛn Lɛta To Timoti 2:1

Yu, mi pikin, lɛ di gud we Gɔd de du fɔ wi, bikɔs wi gɛt wanwɔd wit Jizɔs Krays, mek yu tinap traŋa.

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Taytɔs 1:14

ɛn lɛf fɔ biliv dɛn stori we na dɛn Ju pipul dɛnsɛf mek, ɛn lɛf fɔ du dɛn tin we dɛn pipul we dɔn tɔn dɛn bak pan di tru tin, tɛl dɛn fɔ du.

Taytɔs 1:9

I fɔ biliv di tru mɛsej we nɔ go chenj, dat na di sem mɛsej we wi lan dɛn; ɛn i fɔ fala am wit ɔl in at. If i du dat, insɛf go ebul lan pipul dɛn tin we gud fɔ dɛn, so dat i go kɔrej dɛn ɛn sho dɛn wan we de tɔk se dɛn tin we i de lan dɛn nɔ rayt, se dɛn nɔ fɔ de tɔk so.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Fɔs Lɛta To Timoti 4:7

Nɔ lisin to dɛn stori we nɔ tru ɛn we nɔ de tɔk ɛnitin bɔt Gɔd. Tren yusɛf fɔ liv fɔ Gɔd nɔmɔ.

Fɔs Lɛta To Timoti 1:6

Sɔm pipul de we nɔ biliv dɛn tin ya igen, naw dɛn de tɔk plɛnti fulish fulish tin.

Fɔs Lɛta To Timoti 1:4

Yu fɔ tɛl dɛn se dɛn fɔ lɛf fɔ lisin to dɛn pipul we jɛs de tɔk stori we dɛn yɛri, ɛn dɛn grampapa papa dɛn nem we nɔ de dɔn, bikɔs dɛn tin de jɛs de mek pipul mek plaba nɔmɔ; dɛn nɔ de ɛp fɔ mek dɛn no bɔt Gɔd in plan fɔ sev wi; na di biliv we pɔsin biliv pan Gɔd de ɛp fɔ mek ɔda pipul no bɔt Gɔd in plan fɔ sev wi.

1 Kɔrint 3:19

Dis wɔl sɛns na nɔnsɛns to Gɔd. Dɛn rayt na Gɔd in Buk se, “Mɔtalman yon sɛns na di trap we Gɔd de tek kech am.”

Apɔsul Dɛn Wok 17:21

Bikɔs ɔl dɛn pipul we bɔn na Atɛns ɛn dɛn wan we na trenja kin lɛk fɔ go sidɔm de, dɛn kin lɛk fɔ yɛri bɔt ɛni nyu tin ɛn tɔk bɔt am.

Apɔsul Dɛn Wok 17:18

Pɔl kin tɔk to dɛn ticha we dɛn kɔl Ɛpikyurean ɔ Stoik. Sɔm kin se, “Wetin dis man ya we nɔ sabi buk de tray fɔ tɔk?” Sɔm kin se, “I tan lɛkɛ se i de tɔk bɔt dɛn gɔd we ɔda pipul gɛt.” Di pipul dɛn bin de tɔk dat bikɔs Pɔl tɛl dɛn bɔt Jizɔs ɛn i tɛl dɛn se pipul we dɔn day go rayz frɔm dɛn grev.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Taytɔs 1:4

A de rayt to Taytɔs, mi yon tru pikin, bikɔs i biliv pan Krays lɛkɛ aw misɛf biliv pan am. Mek Gɔd we na mi Papa ɛn Krays Jizɔs we de sev wi blɛs yu ɛn mek ɔltin wɛl wit yu.

1 Kɔrint 2:6

Fɔ tru, wetin wi de tɔk na sɛns to dɛn wan we dɔn go fa pan di Spirit yon we. Dis sɛns ya nɔto da kayn sɛns we mɔtalman gɛt, ɛn nɔto di sɛns we dɛn wan we de na pawa lɛk fɔ gɛt. Dɛn pipul we gɛt pawa na dis wɔl naw, dɛn pawa sɛf gɛt fɔ dɔn.

Lɛta Fɔ Rom 1:22

Dɛn se dɛn gɛt sɛns, bɔt dɛn ful.

Apɔsul Dɛn Wok 16:1

Pɔl go sote i rich Dabi ɛn Listra. I mit wan Kristiɛn man na Listra we bin nem Timoti. In mama na bin Ju uman we bin biliv pan di Masta, bɔt Timoti in papa na bin Grik man.

Fɔs Lɛta To Timoti 1:2

A de rayt to Timoti we a briŋ kam to Krays, na dat mek i bi mi yon tru pikin: mek Gɔd we na wi Papa ɛn Jizɔs Krays wi Masta sho yu aw i gud, mek i sɔri fɔ yu, ɛn mek i gi yu kol at.

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,