Fɔs Lɛta To Timoti 6:18 - Krio Fɔs Oli Baybul

¹⁸ Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Fɔs Lɛta To Timoti 6:18 Referans Kwoze

Di Ibru Pipul Dɛn 13:16

Una nɔ fɔgɛt se una fɔ de du ɔda pipul gud, ɛn una fɔ de gi dɛn pan wetin una gɛt, bikɔs na dɛn kayn sakrifays de, de mek Gɔd gladi.

Jɔn In Fɔs Lɛta 3:17

If pɔsin jɛntri bɔt i nɔ gri fɔ ɛp in kɔmpin we nɔ gɛt, aw i go se in lɛk Gɔd?

Lɛta Fɔ Rom 12:8

If i mek wi sabi fɔ kɔrej pipul, wi fɔ kɔrej pipul. If Gɔd gi ɛnibɔdi gudat fɔ sheb wetin i gɛt wit ɔda pipul, di pɔsin fɔ de du dat wit ɔl in at; ɛnibɔdi we Gɔd gi pawa fɔ rul, fɔ rul lɛkɛ soba pɔsin; ɛnibɔdi we Gɔd gi ajo, fɔ gladi fɔ sho am.

Di Sam Dɛm 37:3

Trɔs PAPA GƆD ɛn du gud; Tap na di land we PAPA GƆD prɔmis yu ɛn ɛnjɔy di kɔba we i dɛn kɔba yu.

Taytɔs 3:8

Na tru tin a de tɛl yu so, ɛn yu fɔ biliv am. A want fɔ mek yu mek shɔ se dɛn du dɛn tin ya, so dat dɛn wan we biliv pan Gɔd go want du gud wok we go ɛp ɔlman.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Lyuk 12:21

Jizɔs se, “Na so i go bi fɔ dɛn pipul we jɛs de gɛda prɔpati nɔmɔ, bɔt Gɔd no se dɛn nɔ gɛt natin.”

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Lɛta Fɔ Rom 12:13

Una fɔ tek pan una yon tin dɛn gi una kɔmpin Kristiɛn dɛn tin we dɛn nɔ gɛt we dɛn fɔ gɛt, ɛn una fɔ du gud to dɛn Kristiɛn trenja dɛn we kam na una os.

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

2 Kɔrint 8:12

If una gɛt tin we una want gi bad bad, Gɔd go gri fɔ wetin una gi bay wetin una gɛt, nɔto bay wetin una nɔ gɛt.

1 Kɔrint 16:2

Ɛvri Sɔnde, ɔlman fɔ put sɔm mɔni wansay, bay di mɔni we i de wok; una fɔ gɛda dɛn mɔni ya, so dat di tɛm we a kam, una nɔ go gɛt fɔ gɛda mɔni igen.

Ayzaya 58:7

Nɔto fɔ sheb yu it wit udat aŋri, ɛn briŋ di po man we nɔ gɛt say fɔ tap, kam na yu os; we yu si di wan we nɔ gɛt klos, fɔ gi am klos, ɛn nɔ fɔ de ayd pan yu fambul dɛm?

Ɛkliziastis 11:6

Na mɔnin, yu de plant yu sid, ivintɛm, yu stil de fɛn tin fɔ du; bikɔs yu nɔ no uswan go bɛnifit yu, di mɔnin yon ɔ di ivintɛm yon, ɔ sɔntɛnde, dɛn ɔltu.

Di Sam Dɛm 112:9

I bin dɔn sheb sheb ɔl wetin i gɛt, gi poman. Da gud at de go de wit am te go; dɔn PAPA GƆD go gi am mɔ pawa ɛn fem.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Ayzaya 32:8

Bɔt di man we nobul kin plan gud tin dɛn ɛn na fɔ wetin rayt i kin tinap.

Ɛkliziastis 3:12

A no se natin nɔ de we bɛtɛ pas fɔ de gladi ɛn ɛnjɔy yusɛf wans yu gɛt layf;

2 Kronikuls 24:16

Ɛn dɛn bɛr am na Devid in siti wit di kiŋ dɛm, bikɔs i bin du gud na Izrɛl, ɛn to PAPA GƆD ɛn in os.

Pita In Fɔs Lɛta 3:11

I fɔ lɛf fɔ de du bad ɛn i fɔ de du gud; i fɔ tray sote natin nɔ mek in ɛn in kɔmpin dɛn mek plaba.

Apɔsul Dɛn Wok 11:29

Jizɔs in lanin bɔy dɛn gri fɔ ɛp dɛn Kristiɛn na Judia.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Matyu 5:42

If pɔsin beg yu sɔntin, yu fɔ gi am, ɛn if pɔsin kam trɔs to yu, yu fɔ trɔs am.

Lyuk 3:11

Jɔn ansa dɛn se, “Ɛnibɔdi we gɛt tu klos, fɔ gi pɔsin we nɔ gɛt, wan. Semwe so, pɔsin we gɛt tin fɔ it, fɔ sheb am wit in kɔmpin we nɔ gɛt.”

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.