Fɔs Lɛta To Timoti 6:17 - Krio Fɔs Oli Baybul

¹⁷ As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Fɔs Lɛta To Timoti 6:17 Referans Kwoze

Apɔsul Dɛn Wok 14:17

Bɔt stil i bin de sho ɔlman udat i bi bay di gud we i kin du fɔ dɛn ɔl. Gɔd kin gi una ren. Di ren kin fɔdɔm frɔm di klawd, ɛn mek wetin una plant bia wɛn di tɛm rich, so dat una go gladi.”

Prɔvabs 11:28

Udat put in yay pan in jɛntri go fɔdɔm lɛk dray lif; bɔt gud pɔsin go frɛsh lɛkɛ grin lif.

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

Matyu 19:23

Wɛn i dɔn go, Jizɔs bigin tɔk to in lanin bɔy dɛn, i se, “A de tɛl una fɔ tru se, i go traŋa bad fɔ mek dɛn jɛntri pipul kam ɔnda Gɔd in rul.

Prɔvabs 27:24

bikɔs mɔni nɔ de de sote go, ɛn udat de rul sɛf nɔ de rul sote go.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Lyuk 19:2

Zakiɔs na bin di edman fɔ dɛn pipul we bin de gɛda taks ɛn na bin jɛntri man.

Prɔvabs 30:9

if a jɛntri tumɔs a go fɔgɛt bɔt yu ɛn bigin aks udat na PAPA GƆD if a po da bad po we go mek a tif a go gi yu bad nem.

Ditarɔnɔmi 8:17

Mozis wɔn dɛn lɛ dɛn nɔ kak dɛn fɛda se na bay dɛn yon swɛt dɛn bin tek gɛntri.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.

Ozie 13:6

bɔt wɛn dɛn rich usay dɛn kin it ɛn drink ɛn bɛlful aw dɛn want, dɔn dɛn at layt, dɛn fɔgɛt bɔt PAPA GƆD.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Prɔvabs 23:5

bikɔs, sɔntɛm we yu dɔn gɛt am dɔn, ɔl kin flay lɛkɛ briz, dɔn yu lɔs ɔltin.

Di Sam Dɛm 104:28

Ɛnitɛm we yu gi dɛn, dɛn rɛdi fɔ tek am; wans yu de opin yu an to dɛn, dɛn satisfay.

Di Sam Dɛm 62:10

Nɔ fɛt fɔ gɛt mɔni di rɔŋ we; if ivin yu jɛntri, nɔ put yu at pan yu jɛntri.

Di Sam Dɛm 52:7

“Luk di man we nɔ abop pan PAPA GƆD fɔ kɔba am, di man we abop pan in jɛntri ɛn we de yuz in pawa fɔ pwɛl pipul.”

2 Kronikuls 26:16

We Kiŋ Uzaya bin dɔn sidɔm na pawa gud gud wan, i bigin mek prawd, we briŋ in dawnfɔl. I bin fɔls to PAPA GƆD we nain Gɔd, ɛn i go insay PAPA GƆD in os go bɔn insɛns na di insɛns ɔlta.

Ditarɔnɔmi 33:15

Mek fayn fayn frut dɛn gro na dɛn il dɛn.

Jɛnɛsis 13:2

Ebram na bin jɛntri man. I bin gɛt ship, got, ɛn kaw dɛn, wit silva ɛn gold.

Sɛkɛn Lɛta To Timoti 4:10

Bikɔs Dimas lɛk dɛn tin we de na di wɔl, i dɔn lɛf mi go; i dɔn go Tɛsalonayka. Krɛsɛns go Galeshya, Taytɔs go Dalmeshia.

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Fɔs Lɛta To Timoti 1:3

Yu nɔ fɔ kɔmɔt na Ɛfisɔs lɛkɛ aw a bin tɛl yu di tɛm we a bin de go Masidonia, so dat yu go tɛl dɛn pipul we de lan ɔda pipul tin we wi nɔ lan dɛn, mek dɛn lɛf fɔ du dat.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Lɛta Fɔ Ɛfisɔs 5:5

Una fɔ no se: pɔsin we liv fri layf, pɔsin we gɛt bad at, ɔ pɔsin we want ɔltin fɔ insɛf (we jɛs tan lɛkɛ pɔsin we de pre to dɛn tin we mɔtalman mek fɔ pre to) nɔ go de na di ples we Krays de rul ɛn we Gɔd de rul.

Apɔsul Dɛn Wok 17:25

Gɔd nɔ nid ɛnitin we mɔtalman de gi am bikɔs nain de gi ɔlman layf ɛn ɔltin we i want.

Apɔsul Dɛn Wok 14:27

Wɛn dɛn rich Antiɔk, dɛn gɛda ɔl di pipul dɛn we bin biliv pan Jizɔs ɛn tɛl dɛn ɔl wetin Gɔd mek dɛn du ɛn aw Gɔd mek dɛn pipul we nɔto Ju biliv pan Jizɔs.

Mak 10:24

Di wɔd we Jizɔs tɔk mek di lanin bɔy dɛn wɔnda, bɔt Jizɔs tɔk igen se, “Mi pikin dɛn, i traŋa fɔ pɔsin fɔ kam ɔnda Gɔd in rul.

Matyu 27:57

Wɛn ivintɛm rich, wan jɛntri man we bin nem Josɛf we bin kɔmɔt Arimatia, kam. Dis man ya na man we bin biliv pan Jizɔs.

Matyu 6:32

Na dɛn tin ya dɛn pipul we nɔ no Gɔd de fɛn, bɔt Gɔd we na una Papa we de na ɛvin no se una fɔ gɛt ɔl dɛn tin ya.

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Izikɛl 16:56

Sɔdɔm we na yu sista, nɔto bin yu chɔ stik di tɛm we yu bin de yu de,

Di Sam Dɛm 62:8

Una we abop pan am, una nɔ pul at pan am. Abop pan am ɔltɛm, bikɔs nain de kɔba wi lɛk aw fɔl de kɔba in pikin.

Taytɔs 3:6

Fɔseka wetin Jizɔs, we de sev pipul, du, Gɔd mek in Spirit kam pan wi wit ɔl in pawa,

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Jɛrimaya 49:4

Wetindu yu de bost bɔt yu vali dɛm, Yu gyalpikin we nɔ de waka tret wit PAPA GƆD, yu we bikɔs yu abop pan yu dia tiŋs dɛm we yu kip, de tɔk se, ‘Udat go kam atak mi?’

Matyu 12:32

Gɔd go padin ɛnibɔdi we tɔk sɔntin we nɔto tru bɔt Mɔtalman Pikin, bɔt Gɔd nɔ go padin ɛnibɔdi we tɔk bad bɔt in Spirit; i nɔ go padin am na dis wɔl, i nɔ go padin am na nɛks wɔl.

Lyuk 3:11

Jɔn ansa dɛn se, “Ɛnibɔdi we gɛt tu klos, fɔ gi pɔsin we nɔ gɛt, wan. Semwe so, pɔsin we gɛt tin fɔ it, fɔ sheb am wit in kɔmpin we nɔ gɛt.”

Fɔs Lɛta To Timoti 6:9

Bɔt dɛn wan we want jɛntri go want du bad, ɛn dɛn fulish tin we dɛn want we nɔ gud fɔ dɛn, na trap we de mek dɛn layf pwɛl ɔltogɛda.

Pita In Sɛkɛn Lɛta 1:11

Ɛn na di we dis we una fɔ pas fɔ mek una go go tret na di say we wi Masta Jizɔs, we dɔn sev wi, de rul sote go.

Matyu 25:16

Di bɔy we gɛt di fayv tawzin gold kɔpɔ go tredin wit in kɔpɔ, i gen ɔda fayv tawzin gold kɔpɔ mɔ.