Fɔs Lɛta To Timoti 6:16 - Krio Fɔs Oli Baybul

¹⁶ Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Fɔs Lɛta To Timoti 6:16 Referans Kwoze

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Jɔn In Fɔs Lɛta 1:5

Dis na di mɛsej we Gɔd in Pikin tɛl wi ɛn nain wi de tɛl una: Gɔd na layt; daknɛs nɔ de pan am atɔl.

Di Sam Dɛm 90:2

Bifo yu mek di mawnten dɛn ɛn infakt sɛf bifo yu mek di wɔl, yu bin dɔn bi di PAPA GƆD we wi de wɔship, ɛn yu go stil bi wi PAPA GƆD sote go.

Lɛta Fɔ Kɔlɔse 1:15

Krays we pipul dɔn si, nain mek wi no aw Gɔd, we wi nɔ de si, tan. Nain fɔs bin de bifo Gɔd mek ɛnitin we de na di wɔl.

Jɔn 6:46

Dat nɔ min se pɔsin de we dɔn si mi Papa; di wan we kɔmɔt to Gɔd, nain wangren dɔn si di Papa.

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Ɛksodɔs 3:14

PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Rɛvɛleshɔn 4:11

“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Lɛta Fɔ Ɛfisɔs 3:21

Mek ɔlman we de na di chɔch dɛn we gɛt wanwɔd wit Jizɔs Krays, prez Gɔd frɔm naw sote go! Emɛn.

Abakɔk 3:4

We i de kam so, di ples de brayt lɛk na laytin de flash, di laytin de flash pan in an ɔl, bikɔs na de i ayd in pawa.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Rɛvɛleshɔn 7:12

Dɛn bin de se, “Emɛn! Na wi Gɔd gɛt prez, nain wɔndaful, nain gɛt sɛns, nain gɛt ɔna, nain gɛt pawa ɛn nain na kiŋ sote go; wi de tɛl am tɛnki! Emɛn!”

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Ɛksodɔs 33:20

Bɔt a nɔ go mek yu si mi fes, bikɔs ɛnibɔdi we si mi fes go day.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Jɔn 14:9

Jizɔs aks Filip se, “Pan ɔl we a dɔn de wit una ɔl dis tɛm, yu nɔ no mi? Ɛnibɔdi we dɔn si mi, dɔn si mi Papa. Wetin du yu se, ‘Sho wi yu Papa?’”

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Jɔn 8:58

Jizɔs se, “A de tɛl una fɔ tru se, bifo Ebraam bɔn, a dɔn de.”

Lɛta Fɔ Filipay 4:20

Wi fɔ prez ɛn ɔna wi Gɔd we na wi Papa sote go! Emɛn.

Ditarɔnɔmi 32:40

Bikɔs a es mi an ɔp to ɛvin, ɛn swɛ se, Lɛk we mi go de sote go,

Job 37:23

PAPA GƆD so gɛt pawa dat mɔtalman nɔ go ebul go nia am; i de waka tret ɛn nɔ de mɔna pipul,

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Jɔn In Fɔs Lɛta 4:12

Nɔbɔdi nɔ si Gɔd yet, bɔt if wi lɛk wi kɔmpin, Gɔd de insay wi ɛn di lɛk we Gɔd lɛk wi de mek wi lɛk wi kɔmpin mɔ ɛn mɔ.