Fɔs Lɛta To Timoti 6:14 - Krio Fɔs Oli Baybul

¹⁴ Yu fɔ du ɔl wetin a dɔn tɛl yu, yu nɔ fɔ miks pan sin, so dat nɔbɔdi nɔ go blem yu frɔm naw te wi Masta Jizɔs kam bak.

Fɔs Lɛta To Timoti 6:14 Referans Kwoze

Pita In Sɛkɛn Lɛta 3:14

So, mi padi dɛn we a lɛk, we una de wet fɔ dis nyu ɛvin ɛn dis nyu wɔl ya, una fɔ tray mek Gɔd nɔ fɛn ɛni fɔlt na una layf ɛn una go gɛt kol at fɔseka dat.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Sɛkɛn Lɛta Fɔ Tɛsalonayka 2:8

Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.

Lɛta Fɔ Kɔlɔse 4:17

Una tɛl Akipɔs se i fɔ si dat i du ɔl di wok we di Masta dɔn gi am fɔ du.

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

1 Kɔrint 1:8

I go mek una nɔ tap fɔ biliv pan am ɛn du ɔl wetin Gɔd want so dat Gɔd nɔ go gɛt ɛnitin fɔ kɔndɛm una fɔ, di de we wi Masta Jizɔs Krays go kam.

Sɔlɔmɔn In Siŋ Dɛm 4:7

Yu fayn bad bad wan mi lɔv; wan bɔt nɔ de pan yu.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Sɛkɛn Lɛta Fɔ Tɛsalonayka 2:1

Mi Kristiɛn pipul dɛn, sɔm pipul de tɔk se di De we di Masta go kam ɛn gɛda wi ɔl rawnd insɛf, dɔn kam, bɔt a de beg una, mek una

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Lɛta Fɔ Filipay 2:15

so dat pipul nɔ go pɔynt fiŋa pan una. Dɛn go si se una na Gɔd in pikin dɛn we gɛt klin at ɛn we nɔ miks pan sin. Pan ɔl we una de na wɔl, wit pipul we wikɛd ɛn we de liv bad layf ɔltɛm, una yon layf fɔ tan lɛkɛ layt fɔ dɛn.

Lɛta Fɔ Filipay 1:6

A biliv se Gɔd, we bigin du dis gud wok ya insay una at, go stil de du am sote di de we Jizɔs Krays go kam bak.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

Pita In Sɛkɛn Lɛta 2:21

I bin fɔ bɛtɛ mek dɛn nɔ no di rayt we we dɛn fɔ waka, pas fɔ mek dɛn lɛf fɔ fala Gɔd in lɔ, naw we dɛn dɔn no am.

Pita In Sɛkɛn Lɛta 3:2

A want mek una mɛmba dɛn tin we Gɔd in prɔfɛt dɛn bin dɔn tɔk lɔntɛm se go bi, bifo dɛn bi, ɛn dɛn tin we wi Masta we sev wi mek in apɔsul dɛn tɛl wi fɔ du.