Fɔs Lɛta To Timoti 6:13 - Krio Fɔs Oli Baybul

¹³ Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Fɔs Lɛta To Timoti 6:13 Referans Kwoze

Matyu 27:11

Dɛn mek Jizɔs tinap bifo Paylet we na di Roman gɔvna, Paylet aks Jizɔs se, “Na yu na di Ju pipul dɛn kiŋ?” Jizɔs se, “Na so yu se.”

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Jɔn 5:21

Jɛs lɛkɛ aw di Papa de mek dɛn pipul we dɔn day rayz frɔm dɛn grev ɛn mek dɛn gɛt layf, na semwe so, di Pikin de gi layf to dɛn pipul we i want gi layf.

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Fɔs Lɛta To Timoti 6:12

Fɛt fɔ di biliv we yu biliv pan Krays we gud, ɛn ol di layf we go de sote go we yu gɛt wit Gɔd, gud; na Gɔd kɔl yu fɔ gi yu da layf de ɛn na bɔt dat yu dɔn tɔk plen wan bifo plɛnti pipul.

Fɔs Lɛta To Timoti 2:5

Na wangren Gɔd de, ɛn wan pɔsin de midul Gɔd ɛn mɔtalman fɔ briŋ dɛn togɛda, dat na Jizɔs Krays we insɛf na mɔtalman,

Apɔsul Dɛn Wok 17:25

Gɔd nɔ nid ɛnitin we mɔtalman de gi am bikɔs nain de gi ɔlman layf ɛn ɔltin we i want.

Jɔn 19:11

Jizɔs se, “Yu nɔ bin fɔ gɛt pawa oba mi if Gɔd nɔ bin gi yu da pawa de. Na dat mek, da man we mek dɛn briŋ mi kam bifo yu in sin bad pas yu yon.”

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 5:26

Jɛs lɛkɛ aw di Papa gɛt pawa fɔ gi layf, semwe so, i gi in Pikin insɛf pawa fɔ gi layf.

1 Samiɛl 2:6

Na PAPA GƆD de gi layf, nain de tek layf; Nain de mek yu day ɛn nain de mek sik nɔ kil yu.

Ditarɔnɔmi 32:39

Una dɔn si naw se na Mi, yɛs Mi, na im, ɛn nɔn ɔda gɔd nɔ de apat frɔm mi; A de kil ɛn mek pipul dɛn gɛt layf; a de wund ɛn a de mɛn; ɛn nɔbɔdi nɔ de we ebul sev una kɔmɔt na mi an.

Matyu 27:2

Dɛn mek pipul tay Jizɔs wit chen, dɔn dɛn kɛr am go ɛn an am gi Paylet we na bin di Roman gɔvna.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Fɔs Lɛta To Timoti 1:12

A tɛl Jizɔs Krays, wi Masta, tɛnki. Nain de gi mi trɛnk fɔ du dis wok ɛn nain pik mi fɔ du am bikɔs i si se a go du am gud,

Fɔs Lɛta To Timoti 1:15

Na tru wɔd dis ɛn na wɔd we ɔlman fɔ biliv we dɛn se Jizɔs Krays kam na di wɔl fɔ sev dɛn pipul we de pan sin, ɛn na mi na di wan we dɔn sin pas ɔlman.