Fɔs Lɛta To Timoti 6:12 - Krio Fɔs Oli Baybul

¹² Fɛt fɔ di biliv we yu biliv pan Krays we gud, ɛn ol di layf we go de sote go we yu gɛt wit Gɔd, gud; na Gɔd kɔl yu fɔ gi yu da layf de ɛn na bɔt dat yu dɔn tɔk plen wan bifo plɛnti pipul.

Fɔs Lɛta To Timoti 6:12 Referans Kwoze

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Fɔs Lɛta To Timoti 1:18

Timoti, mi pikin, a de fala dɛn mɛsej we Gɔd bin gi dɛn prɔfɛt bɔt yu, so dat wɛn yu yɛri dɛn yu go gɛt di maynd fɔ fɛt dis gud fɛt; dat na fɔ tap dɛn ticha we nɔ de lan pipul di tru tin. Na di wok dis we a gi yu fɔ du.

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Jɔn In Fɔs Lɛta 2:25

Ɛn di tin we Krays insɛf dɔn prɔmis fɔ gi wi, na layf we go de sote go.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Fɔs Lɛta To Timoti 6:19

If dɛn du dat dɛn go rɛdi fɔ di tɛm we gɛt fɔ kam, so dat dɛn go gɛt da layf we na di tru layf.

Zɛkaraya 10:5

Dɛn ɔl go fiba sojaman dɛn we de go wa togɛda, we go gi dɛn ɛnimi dɔti fɔ it. Dɛn go so fɛt bikɔs PAPA GƆD de wit dɛn ɛn nɔbɔdi nɔ go ebul bit di man dɛn we de pan ɔs, sɛf.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Prɔvabs 3:18

Sɛns tan lɛkɛ tik we de gi lɔŋ layf to dɛn wan we gɛt am; i fayn fɔ udat gɛt sɛns.

Pita In Fɔs Lɛta 3:9

If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.

Sɛkɛn Lɛta Fɔ Tɛsalonayka 2:14

Gɔd kɔl una fɔ bi in yon pipul dɛn tru di Gud Nyuz we wi tɛl una; i kɔl una fɔ gɛt pan di wɔndaful pawa ɛn ɔna we Masta Jizɔs Krays gɛt.

Di Sam Dɛm 63:8

A nɔ go kɔmɔt biɛn yu; yu go yuz yu pawa fɔ de kɔba mi.

Ditarɔnɔmi 26:3

Dɛn fɔ go to di man we de mek sakrifays fɔ pipul sin da tɛm de ɛn tɛl am se, in kam tɛl PAPA GƆD we nain PAPA GƆD se in de na di land we i bin dɔn swɛ to dɛn fɔstɛmpapa dɛn se, i go gi dɛn.

Ayzaya 44:5

Dis wan go se, ‘Na mi blant PAPA GƆD’, ɔda wan go kɔl insɛf bay Jekɔb in nem, ɛn ɔda wan go rayt nain an se, ‘PAPA GƆD in yon,’ ɛn gi insɛf sɔn nem we na Izrɛl.”

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Di Ibru Pipul Dɛn 13:23

A want mek una no se dɛn dɔn pul wi brɔda Timoti kɔmɔt na jel. If i kam kwik, a go briŋ am kam wɛn a de kam to una.

2 Kɔrint 6:7

we wi de tɛl pipul di tru wɔd, ɛn we Gɔd in pawa de pan wi, ɔl dat sɛf sho se na Gɔd in wok wi de du. Di waka we wi de waka tret wit Gɔd na di tin we wi gɛt fɔ tek fɛt ɛn i nɔ go mek dɛn wan we de fɛt wi, ebul wi.

Sɔlɔmɔn In Siŋ Dɛm 3:4

I nɔ te sɛf we a pas dɛn, nain a fɛn di wan we mi sol lɛk. A ol am, a nɔ gri lɛf am te a briŋ am kam nan mi mama in os, ɛn insay di wan we bɔn mi in rum.

Lɛta Fɔ Filipay 1:30

So una fɔ jɔyn mi naw fɔ fɛt fɔ di Gud Nyuz lɛkɛ aw a bin de fɛt fɔs tɛm ɛn we una dɔn yɛri se a de fɛt te naw.

Fɔs Lɛta To Timoti 1:19

Yu fɔ biliv fɔ tru ɛn du wetin yu no se rayt. Sɔm pipul we nɔ bin gri fɔ du wetin dɛn fɔ du, nɔ biliv Krays igen:

Fɔs Lɛta To Timoti 4:14

Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.

Di Jɔj Dɛm 3:2

Na fɔ tich da jɛnareshɔn de wetin na wa bikɔs dɛn nɔ no wa wande.