Fɔs Lɛta To Timoti 6:10 - Krio Fɔs Oli Baybul

¹⁰ Fɔ lɛk mɔni de mek pɔsin du ɔl kayn bad tin. Sɔm Kristiɛn dɛn we bin want mɔni bad bad dɔn lɛf fɔ fala Gɔd, bɔku waala dɔn pwɛl dɛn at.

Fɔs Lɛta To Timoti 6:10 Referans Kwoze

Prɔvabs 1:19

Udat de tif, na so i de ɛnd; na shɔt layf i de gɛt.

Fɔs Lɛta To Timoti 6:9

Bɔt dɛn wan we want jɛntri go want du bad, ɛn dɛn fulish tin we dɛn want we nɔ gud fɔ dɛn, na trap we de mek dɛn layf pwɛl ɔltogɛda.

Di Sam Dɛm 32:10

Udat nɔ bisin bɔt PAPA GƆD gɛt bɔku waala, bɔt PAPA GƆD nɔ go ɛva kɔmɔt biɛn udat trɔs am.

Taytɔs 1:11

Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Prɔvabs 1:31

wɛl aw una mek una bed, na so una go lidɔm de. Una go kɔlik wit una yon we.

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

Ayzaya 56:11

Dɔg ebul it bɔku; i nɔ de ɛva du fɔ dɛm. Di shɛpad dɛnsɛf nɔ no natin; dɛn ɔl dɔn go dɛn yon we, ɔlman de du wetin go prɔfit am, ɔlman fɔ insɛf.

Sɛkɛn Lɛta To Timoti 4:10

Bikɔs Dimas lɛk dɛn tin we de na di wɔl, i dɔn lɛf mi go; i dɔn go Tɛsalonayka. Krɛsɛns go Galeshya, Taytɔs go Dalmeshia.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

Jems 5:19

Mi kɔmpin Kristiɛn dɛn, if ɛni wan pan una slipul ɛn kɔmɔt na Gɔd in rod, bɔt sɔmbɔdi briŋ am kam bak,

Fɔs Lɛta To Timoti 6:21

Sɔm pipul we bin se dɛn “sabi” dɛn tin ya, nɔ no usay dɛn de tide, dɛn nɔ biliv Gɔd igen. Mek Gɔd sho una ɔl aw i gud.

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Izikɛl 16:33

Dɛn man dɛn de gi prɛzɛnt dɛn to ɔl dɛn rare gyal, bɔt na una de gi prɛzɛnt to ɔl una switat dɛn. Una de brayb dɛn fɔ kan to una kɔmɔt ɔl usay una de rare.

Izikɛl 13:19

Una dɔn mek mi pipul dɛn nɔ rɛspɛkt mi, fɔseka koko ɛbɛ, de kil pipul we nɔ fɔ day, ɛn sev pipul we nɔ sɔpoz fɔ lib, wit di lay we una de lay gi mi pipul dɛn, we de lisin to di lay we una de lay.

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Ditarɔnɔmi 23:18

Nɔbɔdi, man o, uman o, we de sɛl in bɔdi fɔ mɔni, nɔ fɔ kɛr di mɔni we i gɛt pan di rare wok go na PAPA GƆD we na dɛn PAPA GƆD in os, fɔ go pe fɔ di tin dɛn we dɛn bin prɔmis fɔ pe fɔ. PAPA GƆD we na dɛn PAPA GƆD et dɛn kayn pipul dɛn de bad bad wan.

Jɛnɛsis 29:26

Leban ansa am se, nɔto dɛn kɔstɔm fɔ mek di smɔl wan mared bifo di big wan.

Rɛvɛleshɔn 18:13

dɛn tin we de smɛl swit lɛkɛ sinamɔn, spays, insɛns, ɛn dɛn tin we dɛn kɔl ma ɛn frankinsɛns; wayn, ɔyl we dɛn de tek kuk, fayn flawa, kɔn, kaw ɛn ship, dɛn ɔs ɛn dɛn chariɔt, ɛn dɛn pipul we dɛn tek mek slev.

2 Kiŋ 5:27

Ilaɛlsha tɛl am se fɔ wetin i dɔn du, Neman in bad sik nain bɔdi go transfa pan in ɛn in jɛnareshɔn dɛn sote go. Frɔm da momɛnt de nain di sik kam pan Gɛazi, in bɔdi ɔl kam chenj ɛn wayt lɛk shatin.

Jɛnɛsis 38:16

I go mit am usay i bin sidɔm oba di rod ɛn tɛl am se i want fɔ du biznɛs da nɛt de. Bɔt i nɔ bin no se nain dɔtɛnlɔ. Tama aks am se, if i gri wetin i go gi am.

Jɛnɛsis 29:14

We Leban yɛri Jekɔb in stori, i tɔk se, fɔ tru tru na mi yon blɔd dis. So Jekɔb bin tap de fɔ wan mɔnt.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Di Sam Dɛm 62:10

Nɔ fɛt fɔ gɛt mɔni di rɔŋ we; if ivin yu jɛntri, nɔ put yu at pan yu jɛntri.

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.

Ɛkliziastis 2:19

ɛn yu no if i go bi sɛnsman ɔ fulman! Pan ɔl dat, i go kam bi masta fɔ ɔl wetin a dɔn swɛt ɛn yuz mi sɛns fɔ gɛt na dis wɔl. Ɔl na fɔ natin.

Matyu 6:19

“Una nɔ fɔ kip plɛnti dia tin fɔ unasɛf na dis wɔl, bikɔs una fɔ no se wɔrɔm go pwɛl dɛn, dɛn go rɔsti ɛn tifman go brok una os go insay ɛn tif dɛn.

Matyu 13:22

Dɛn sid we fɔdɔm midul chuk chuk bush na dɛn wan we yɛri di wɔd bɔt mi, bɔt di waala ɛn di jɛntri we dɛn want na dis wɔl kil di wɔd na dɛn at, dat mek dɛn nɔ du plɛnti tin fɔ Gɔd.

Mak 4:19

bɔt di tin dɛn na dis wɔl we dɛn want du, di jɛntri we dɛn want, ɛn di ɔda tin dɛn we dɛn want mek di Gud Nyuz nɔ gɛt ples fɔ prɛd na dɛn at lɛkɛ wɛn plant de bia.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;

Jɛnɛsis 34:27

We dis dɔn bi, Jekɔb in ɔda bɔypikin dɛn go insay di siti ɛn lut bikɔs na de dɛn bin tampa wit dɛn sista.

1 Kiŋ 2:40

Shimɛay insɛf tek dɔŋki go to Ekish na Gath fɔ go fɛn in slev dɛn. Wɛn i si dɛn i briŋ dɛn kam bak.