Fɔs Lɛta To Timoti 5:21 - Krio Fɔs Oli Baybul

²¹ Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Fɔs Lɛta To Timoti 5:21 Referans Kwoze

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Jud In Lɛta 1:6

dɛn enjɛl we bin lɛf fɔ rul na di say we dɛn bin de rul ɛn tɔn dɛn bak pan Gɔd, Gɔd dɔn chen dɛn na dak ples ɔnda dɛn grev te di big de we i go jɔj di wɔl.

Sɛkɛn Lɛta To Timoti 2:14

Mɛmba yu pipul dɛn bɔt dɛn wɔd ya, ɛn wɔn dɛn siriɔs wan bifo Gɔd mek dɛn nɔ fɛt fɔseka dɛn wɔd we nɔ min natin. Dat nɔ de ɛp ɛnibɔdi, bifo dat i de mek dɛn pipul we de lisin, nɔ biliv Gɔd.

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Fɔs Lɛta Fɔ Tɛsalonayka 5:27

A de tɛl una fɔ rid dis lɛta to ɔl di Kristiɛn dɛn, bikɔs na dat di Masta insɛf want una fɔ du.

Lyuk 20:21

Di pipul dɛn we go fɔ wach Jizɔs tɛl am se, “Ticha, wi no se ɔl wetin yu de tɔk ɛn lan wi na tru ɛn yu nɔ tek ɛnibɔdi pas in kɔmpin. Wetin Gɔd want mɔtalman fɔ du, nain yu de lan wi, fɔ tru.”

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Malakay 2:9

Dat mek bikɔs dɛn nɔ de trit ɔlman di sem, i dɔn mek di pipul dɛn nɔ de luk dɛn wit bɛtɛ yay.

Prɔvabs 18:5

Lɛkɛ aw i nɔ fayn fɔ fri udat gilti, na so i nɔ fayn fɔ rog di pɔsin we de waka tret.

Di Sam Dɛm 119:34

Mek a ebul fɔ ɔndastand wetin di lɔ se dɛn a go obe dɛn wit ɔl mi at.

Di Sam Dɛm 107:43

Udat no wetin bɛtɛ, fɔ de mɛmba ɔl dɛn tin dɛn ya ɛn tink bɔt di kayn lɔv we PAPA GƆD gɛt fɔ mɔtalman.

Ditarɔnɔmi 33:9

Dɛn lɛk ɛn rɛspɛkt yu pas dɛn mami ɛn dadi, ɛn dɛn brɔda, sista ɛn pikin dɛn. Dɛn de obe yu ɛn de du ɔl wetin yu tɛl dɛn fɔ du, ɛn dɛn de waka tret wit yu insay di Kɔvinant.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Lɛvitikɔs 19:15

I se we pɔsin dɛn de jɔj kes na kot, nɔ fɔ luk fes; dat na nɔ fɔ gi pɔsin rayt bikɔs i po ɔ jɛntri bɔt fɔ trit dɛn kɔmpin fia wan.

Lyuk 9:26

If ɛnibɔdi de shem fɔ tɔk bɔt mi ɛn wetin a dɔn lan am, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am; di sem layt we de shayn pan in Papa Gɔd, ɛn pan di enjɛl dɛn.

Lɛvitikɔs 14:42

ɛn i go mek dɛn put ɔda blɔk dɛn ɛn plasta di wɔl bak.