Fɔs Lɛta To Timoti 5:17 - Krio Fɔs Oli Baybul

¹⁷ Dɛn bigman we de du dɛn chɔch lida wok gud, pati kla di wan dɛn we de wok traŋa wan fɔ tɛl pipul bɔt Gɔd ɛn tich, fɔ gɛt gud pe ɛn rɛspɛkt.

Fɔs Lɛta To Timoti 5:17 Referans Kwoze

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Lɛta Fɔ Galeshya 6:6

Di pɔsin we dɛn de lan Gɔd in wɔd, fɔ gi di pɔsin we de lan am sɔntin we go ɛp am.

Lyuk 10:7

Di fɔs os we una go we dɛn gri fɔ mek una tap, na de una fɔ de sote una tɔn bak; una nɔ fɔ kɔmɔt na wan os go tap na ɔda wan. Una fɔ it ɛn drink ɛnitin we dɛn gi una bikɔs wokman fɔ gɛt pe fɔ in wok.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

Sɛkɛn Lɛta To Timoti 2:6

Fama we dɔn wok traŋa nain fam nain fɔs fɔ gɛt pan di tin dɛn we gro.

Lɛta Fɔ Filipay 2:29

Una fɔ gladi fɔ am wɛn i go to una bikɔs na una Kristiɛn brɔda; una fɔ rɛspɛkt pipul lɛkɛ dɛn wande.

Lɛta Fɔ Rom 12:8

If i mek wi sabi fɔ kɔrej pipul, wi fɔ kɔrej pipul. If Gɔd gi ɛnibɔdi gudat fɔ sheb wetin i gɛt wit ɔda pipul, di pɔsin fɔ de du dat wit ɔl in at; ɛnibɔdi we Gɔd gi pawa fɔ rul, fɔ rul lɛkɛ soba pɔsin; ɛnibɔdi we Gɔd gi ajo, fɔ gladi fɔ sho am.

Apɔsul Dɛn Wok 28:10

Dɛn gi wi plɛnti tin fɔ sho wi dɛn rɛspɛkt, dɔn, wɛn wi dɔn go insay di big bot, dɛn gi wi ɔl wetin bin gud fɔ wi fɔ gɛt, fɔ go ɔda say.

2 Kɔrint 6:1

So, wi we de wok wit Gɔd de beg una mek una nɔ mek di gud we Gɔd gud to una go fɔ natin.

Lɛta Fɔ Rom 16:12

A de tɛl Trayfina ɛn Trayfosa, we de wok fɔ di Masta, adu; ɛn mi gud padi Pasis, we dɔn wok plɛnti fɔ di Masta.

Lɛta Fɔ Rom 15:27

Na di mɛmba dɛnsɛf mekɔp fɔ du dat. Ɛn, fɔ tru, dɛn fɔ ɛp dɛn Kristiɛn pipul we nɔ gɛt natin na Jerusɛlɛm. Di Ju dɛn bin dɔn gi dɛn pipul we nɔto Ju pan Gɔd in blɛsin we dɛn mek dɛn yɛri di Gud Nyuz bɔt Krays, so dɛn Kristiɛn we nɔto Ju, dɛnsɛf fɔ ɛp dɛn Ju Kristiɛn wit dɛn tin lɛkɛ mɔni so.

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

1 Kɔrint 16:16

mek una fala dɛn kayn lida ya, ɛn ɛni ɔda pɔsin we de wok wit dɛn traŋa wan.

Apɔsul Dɛn Wok 11:30

Dɛn gi Banabas ɛn Sɔl kɔpɔ fɔ kɛr go fɔ dɛn pipul na Jerusɛlɛm.

2 Kiŋ 2:9

Wɛn dɛn rich oba say, Ilayja tɛl Ilaɛlsha se lɛ i aks am wetin in want am fɔ du fɔ am bifo i lɛf am. Ilaɛlsha tɛl am se in want dɔbul di spirit we i gɛt.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Fɔs Lɛta To Timoti 4:16

Yu fɔ bikyaful wetin yu de du ɛn wetin yu de lan pipul. Nɔ fɔ lɛf fɔ du dɛn tin ya; if yu de du dɛn ɔltɛm yu go sev yusɛf ɛn ɔl dɛn wan we de lisin to yu.

Fɔs Lɛta To Timoti 3:5

If pɔsin nɔ ebul mek ɔltin fayn nain yon os, aw i go ebul mek ɔltin fayn na Gɔd in chɔch?

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Matyu 24:25

Una lisin, a de tɛl una dɛn tin ya bifo dɛn go bi.

Di Ibru Pipul Dɛn 13:24

Una tɛl ɔl una bigman dɛn na di chɔch ɛn ɔl Gɔd in pipul dɛn de, adu fɔ mi. Wi Kristiɛn brɔda dɛn we kɔmɔt Itali, dɛnsɛf de tɛl una adu.

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Apɔsul Dɛn Wok 20:35

A dɔn sho una se ilɛk aw tin tan una fɔ wok traŋa lɛkɛ mi fɔ ɛp dɛn pipul we nɔ gɛt. Una mɛmba wetin Masta Jizɔs insɛf tɔk wɛn i se, ‘Di pɔsin we de gi gɛt blɛsin pas di pɔsin we de gɛt.’”

Jɔn 4:38

A dɔn sɛn una fɔ go kɔt ɛn gɛda dɛn tin we dɔn du fɔ kɔt na fam we una nɔ wok pan; na ɔda pipul dɛn wok pan am, bɔt una de ɛnjɔy dɛn lebɔ.”

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

Zɛkaraya 9:12

I se, dɛn fɔ gɛt op ɛn go bak to di ples we dɛn go sef. I se, da de de, in wan mek dɛn no se i go gi dɔbul wan fɔ ɔl wetin dɛn dɔn lɔs.

Jɛrimaya 17:18

Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Ayzaya 40:2

Tɔk saful saful to Jerusɛlɛm, ɛn tɛl am se in wa dɔn dɔn, dɛn dɔn padin in sin, se i dɔn gɛt dɔbul pɔnishmɛnt na PAPA GƆD in an fɔ ɔl in sin dɛm.

Fɔs Lɛta To Timoti 5:3

Yu fɔ rɛspɛkt dɛn mared uman we dɛn man dɔn day, we nɔ gɛt nɔbɔdi fɔ ɛp dɛn.

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

Fɔs Lɛta To Timoti 4:14

Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.

Fɔs Lɛta To Timoti 5:19

Yu nɔ fɔ lisin if dɛn se wan bigman du tin we nɔ rayt, pas if na tu ɔ tri pɔsin we si, tɔk am.

Di Nɔmba Dɛm 18:31

Dɛn ɛn ɔl udat tap na dɛn os kin it di balans ɛnisay we dɛn want, as na dɛn pe fɔ di wok we dɛn de du na di Tɛnt usay wi kin mit.

Ditarɔnɔmi 18:8

I se di Izrɛlayt dɛn fɔ gi dɛnsɛf ɔl wetin dɛn de gi di wan dɛn we bin dɔn de wok, ɛn dat nɔ miks pan wetin dɛn yon pipul dɛn go de sɛn fɔ dɛn we dɛn go sɛl dɛn prɔpati dɛn.