Fɔs Lɛta To Timoti 5:10 - Krio Fɔs Oli Baybul

¹⁰ ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Fɔs Lɛta To Timoti 5:10 Referans Kwoze

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Taytɔs 3:8

Na tru tin a de tɛl yu so, ɛn yu fɔ biliv am. A want fɔ mek yu mek shɔ se dɛn du dɛn tin ya, so dat dɛn wan we biliv pan Gɔd go want du gud wok we go ɛp ɔlman.

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Taytɔs 3:1

Mɛmba di Kristiɛn dɛn we yu de wok wit fɔ de du wetin di gɔvmɛnt ɛn di pipul dɛn we dɛn put oba dɛn, tɛl dɛn fɔ du ɛn fɔ rɛdi fɔ du ɔltin we gud.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Sɛkɛn Lɛta To Timoti 3:17

so dat ɛnibɔdi we de du Gɔd wok go gɛt ɔl wetin i fɔ gɛt ɛn bi wetin i fɔ bi so dat i go ebul du ɔl kayn gud wok lɛkɛ aw i fɔ du am.

Lɛta Fɔ Rom 12:13

Una fɔ tek pan una yon tin dɛn gi una kɔmpin Kristiɛn dɛn tin we dɛn nɔ gɛt we dɛn fɔ gɛt, ɛn una fɔ du gud to dɛn Kristiɛn trenja dɛn we kam na una os.

Lyuk 7:44

Jizɔs luk to di uman in pat wɛn i stil de tɔk to Saymɔn. I se, “Yu si wetin dis uman de du fɔ mi, nɔto so? A kam na yu os, yu nɔ gi mi wata sɛf fɔ was mi fut, bɔt dis uman ya dɔn kray pan mi fut te dɛn dɔn sok ɛn nain ia i tek wep dɛn.

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Di Ibru Pipul Dɛn 13:2

Una nɔ fɔgɛt se, una fɔ mek dɛn trenja we kam to una tap na una os. Sɔm pipul bin de mek trenja dɛn tap na dɛn os, bɔt dɛn nɔ bin no se sɔm pan dɛn trenja ya na enjɛl.

Di Ibru Pipul Dɛn 10:24

Una lɛ wi tink aw wi go ɛp wisɛf mek wi go lɛk wi kɔmpin dɛn ɛn du gud to dɛn.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Lyuk 7:38

Di uman go butu klos Jizɔs in fut ɛn bigin kray bita wan saful saful. Di wata we kɔmɔt nain yay sok Jizɔs in fut. I tek in ia wep Jizɔs in fut, dɔn i kis Jizɔs in fut fɔ sho se in rɛspɛkt am, dɔn i tek di sɛnt na di bɔtul ɛn rɔb ɔl na Jizɔs in fut.

Jɛnɛsis 18:4

Lɛ dɛn briŋ wata fɔs mek una was una fut; dɔn una kin blo ɔnda dis tik.

Jɔn In Tɔd Lɛta 1:12

Ɔlman de tɔk gud bɔt Dimitriɔs; aw i liv sho se wetin ɔlman de tɔk bɔt am na tru. Wisɛf de tɔk gud bɔt am ɛn unasɛf no se na tru wi de tɔk.

Pita In Fɔs Lɛta 4:9

Una fɔ gladi wɛn una kɔmpin Kristiɛn dɛn kam fɛn una, una nɔ fɔ de grɔmbul wɛn dɛn kam.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Sɛkɛn Lɛta To Timoti 2:21

So if pɔsin lɛf fɔ du ɔl kayn bad tin, Gɔd go yus am fɔ du dɛn spɛshal wok bikɔs di pɔsin dɔn gi in Masta ɔl in layf ɛn i de du ɔl di wok we in Masta gi am fɔ du, ɛn i rɛdi fɔ du ɔl kayn gud wok.

Sɛkɛn Lɛta To Timoti 1:5

A mɛmba aw yu biliv Gɔd wit ɔl yu at lɛkɛ yu grani Lɔis ɛn yu mami Yunaysi. A shɔ se yusɛf biliv Gɔd lɛkɛ dɛn.

Fɔs Lɛta To Timoti 5:25

Semwe so, ɔlman kin si ɛn no wok we gud, bɔt if dɛn nɔ si am wantɛm so sɛf, di gud wok nɔ go ayd te go.

Fɔs Lɛta To Timoti 2:10

Bɔt dɛn fɔ de du dɛn gud wok we uman we kɔl insɛf Gɔd uman fɔ du.

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Apɔsul Dɛn Wok 22:12

“Wan man bin de na di tɔŋ we bin nem Ananayas, na man we bin fred Gɔd, i bin de du wetin di Ju Lɔ se ɛn ɔl dɛn Ju na Damaskɔs bin rɛspɛkt am.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Apɔsul Dɛn Wok 9:39

So Pita rɛdi go mit dɛn. Wɛn i rich, dɛn kɛr am go na di rum. Ɔl dɛn uman we dɛn man dɔn day, bin gɛda na di os. Dɛn bin de kray ɛn dɛn bin de sho Pita di klos dɛn we Dɔkas bin dɔn so.

Apɔsul Dɛn Wok 6:3

Na dat mek wi want una fɔ pik sɛvin pipul pan unasɛf, we wi go mek du dis wok. Una fɔ pik pipul we una ɔl rɛspɛkt, dɛn fɔ gɛt Gɔd in Spirit ɛn dɛn fɔ sabi bɔt tin dɛn gud.

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.

Di Sam Dɛm 119:4

Yu dɔn mek yu lɔ dɛn we pɔsin jɛs gɛt fɔ fala.

Lɛvitikɔs 25:35

I se if tin traŋa fɔ dɛn brɔda te te i nɔ ebul fɔ du tin fɔ insɛf, dɛn fɔ mek shɔ se dɛn ɛp am. I go de wit dɛn lɛk trenja.

Jɛnɛsis 24:32

So Ɛliaza go insay di os, dɔn Leban pul di lod pan di kamɛl dɛn ɛn gi dɛn tin fɔ it. Dɔn i briŋ wata fɔ Ebraam in wokman ɛn in man dɛn fɔ was dɛn fut.

Jɛnɛsis 19:2

ɛn se, “Du sa, una nɔ pas mi os go. Mek a briŋ wata fɔ una fɔ was una fut. Duya una slip to mi dis nɛt, dɛn una kin grap ali mɔnin ɛn go usay una de go.” Bɔt di man dɛn ansa se, “Nɔ-o, wi go go slip na trit midul siti.”

Fɔs Lɛta To Timoti 5:16

Bɔt if ɛni Kristiɛn uman gɛt sɔm fambul dɛn we dɛn man dɔn day, nain fɔ mɛn dɛn, i nɔ fɔ mek di chɔch gɛt da wɔri de, so dat di chɔch kin fri fɔ mɛn dɛn uman we dɛn man dɔn day, we nɔ gɛt nɔbɔdi fɔ mɛn dɛn.

Fɔs Lɛta To Timoti 3:7

I fɔ bi man we pipul we nɔto Kristiɛn sɛf de tɔk gud bɔt, so dat shem nɔ go mit am ɛn i nɔ go fɔdɔm insay Setan in trap.

Jɛnɛsis 43:24

Di wokman kɛr di brɔda dɛn go insay di os. I gi dɛn wata fɔ was dɛn fut, ɛn gi dɛn dɔŋki dɛn it.

Fɔs Lɛta To Timoti 3:2

Ovasia nɔ fɔ gɛt bɔt nain layf; na wan wɛf nɔmɔ i fɔ gɛt, i fɔ bi siriɔs pɔsin, i fɔ ebul kɔntrol insɛf, i fɔ de biev lɛkɛ pɔsin wit sɛns; i fɔ opin in os to trenja; i fɔ ebul tich pipul;

Matyu 25:17

Semwe so, di wan we gɛt di tu tawzin gold kɔpɔ go tredin wit in kɔpɔ, i gen tu tawzin gold kɔpɔ mɔ.