Fɔs Lɛta To Timoti 4:4 - Krio Fɔs Oli Baybul

⁴ Ɔltin we Gɔd mek gud, so pɔsin nɔ fɔ luk se sɔm tin dɛn nɔ gud fɔ it, if i dɔn tɛl Gɔd tɛnki.

Fɔs Lɛta To Timoti 4:4 Referans Kwoze

Lɛta Fɔ Rom 14:20

Una nɔ mek di tin we Gɔd dɔn du pwɛl, fɔseka it. Una kin it ɔltin, bɔt una nɔ fɔ it ɛnitin we go mek ɔda pɔsin sin.

1 Kɔrint 10:25

Una fri fɔ it ɛni bif we dɛn de sɛl na makit ɛn una nɔ gɛt fɔ aks kwɛshɔn fɔ no usay di bif kɔmɔt fɔ mek una no if i rayt fɔ it am.

Lɛta Fɔ Rom 14:14

Di wanwɔd we a gɛt wit Masta Jizɔs mek a no gud gud se natin nɔ de we bad fɔ it, na bay aw pɔsin luk am nɔmɔ; bɔt if pɔsin biliv se sɔntin bad fɔ am fɔ it, dɛn di tin bad fɔ di pɔsin fɔ it.

1 Kɔrint 10:23

Sɔm pipul go se, “Wi kin du ɛnitin, nɔbɔdi nɔ go tap wi.” Dat na tru. Bɔt nɔto ɔltin we pɔsin kin du, gud. Dɛn go se igen, “Wi kin du ɛnitin,” bɔt nɔto ɔltin we dɛn de du, go ɛp ɔda pipul.

Apɔsul Dɛn Wok 21:25

Naw a want tɔk bɔt dɛn Kristiɛn we nɔto Ju: wi dɔn rayt lɛta to dɛn se dɛn nɔ fɔ it ɛnitin we dɛn dɔn sakrifays to dɛn gɔd, dɛn nɔ fɔ it bif we gɛt blɔd pan am, dɛn nɔ fɔ it blɔd, ɛn dɛn nɔ fɔ liv fri layf.”

Fɔs Lɛta To Timoti 4:3

Dɛn man ya de tɛl pipul se i nɔ rayt fɔ mared ɛn i nɔ rayt fɔ it sɔm kayn tin dɛn. Bɔt Gɔd mek dɛn tin ya fɔ it, ɛn dɛn pipul we biliv am ɛn no wetin tru, kin it dɛn afta dɛn dɔn pre ɛn tɛl Gɔd tɛnki.

Jɛnɛsis 1:31

PAPA GƆD luk ɔl wetin i bin dɔn mek, ɛn i si se ɔltin gud ɛn fayn. Ivin tɛm kam ɛn do klin - dat na bin di de we mek siks.

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Apɔsul Dɛn Wok 15:29

una nɔ fɔ it ɛni bif we dɛn dɔn sakrifays to dɛn yon gɔd, una nɔ fɔ it bif we gɛt blɔd pan am, una nɔ fɔ it blɔd, ɛn una nɔ fɔ liv fri layf. I go gud if una nɔ du dɛn tin ya we wi dɔn rayt to una. Una mekes, o!”

Apɔsul Dɛn Wok 10:15

Di vɔys tɔk igen se, “Ɛni tin we Gɔd se klin, yu nɔ fɔ se i dɔti.”

Lɛta Fɔ Rom 14:6

Ɛnibɔdi we tek wande pas dɛn ɔda de, de du am fɔ ɔna di Masta. Ɛnibɔdi we de it ɔltin, de du am fɔ ɔna di Masta, bikɔs i de tɛl Gɔd tɛnki fɔ di it. Semwe so, ɛnibɔdi we nɔ gri it bif ɛn ɔda tin dɛn, de du dat fɔ ɔna di Masta semwe so, ɛn i de tɛl Gɔd tɛnki.

1 Kɔrint 10:26

Dɛn rayt na Gɔd in Buk se, “Dis wɔl ɛn ɔltin we lib de na Gɔd yon.”

1 Kɔrint 10:30

If a tɛl Gɔd tɛnki fɔ mi it bifo a it am, wetindu pɔsin fɔ se na bad a du we a it di it we a dɔn tɛl Gɔd tɛnki fɔ?”