I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.
PAPA GƆD se lɛ Jɔshwa mek shɔ se dɛn de rid di Lɔ Buk ɛnitɛm we dɛn pre to am ɛn wɔship am. I se dɛn fɔ de rid an de ɛn nɛt, so dat dɛn go no ɔl wetin de de fɔ ebul du ɔl wetin di lɔ se, so bɛtɛ go fala dɛn pan ɔl wetin dɛn put an pan.
If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.
E PAPA GƆD, a de pre se mek ɔl wetin de kɔmɔt na mi mɔt, ɛn ɔl wetin de na mi at, bi wetin yu go gladi fɔ tek na mi an. Yu na mi PAPA GƆD we de kɔba mi ɛn sev mi!
Una dɔn yɛri bɔt Stɛfanas ɛn in fambul dɛn; na dɛn fɔs biliv pan Krays na Gris, ɛn dɛn dɔn gi ɔl dɛn layf fɔ wok fɔ Gɔd in pipul dɛn. Mi kɔmpin Kristiɛn dɛn, a de beg una
Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.
Yu fɔ bikyaful wetin yu de du ɛn wetin yu de lan pipul. Nɔ fɔ lɛf fɔ du dɛn tin ya; if yu de du dɛn ɔltɛm yu go sev yusɛf ɛn ɔl dɛn wan we de lisin to yu.