Fɔs Lɛta To Timoti 4:14 - Krio Fɔs Oli Baybul

¹⁴ Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.

Fɔs Lɛta To Timoti 4:14 Referans Kwoze

Sɛkɛn Lɛta To Timoti 1:6

Na dat mek a de mɛmba yu fɔ bigin yus di spɛshal pawa bak we Gɔd bin gi yu da tɛm we a bin put mi an na yu ed ɛn pre fɔ yu.

Fɔs Lɛta To Timoti 1:18

Timoti, mi pikin, a de fala dɛn mɛsej we Gɔd bin gi dɛn prɔfɛt bɔt yu, so dat wɛn yu yɛri dɛn yu go gɛt di maynd fɔ fɛt dis gud fɛt; dat na fɔ tap dɛn ticha we nɔ de lan pipul di tru tin. Na di wok dis we a gi yu fɔ du.

Apɔsul Dɛn Wok 6:6

Ɔl di pipul dɛn we bin de na di mitin kɛr di sɛvin man dɛn we dɛn pik go sho di apɔsul dɛn. Di apɔsul dɛn put dɛn an pan di sɛvin man dɛn ed, dɛn pre fɔ dɛn ɛn blɛs dɛn.

Fɔs Lɛta To Timoti 5:22

Nɔ ɔri fɔ put yu an pan pɔsin ed fɔ pre fɔ am fɔ mek i go du Gɔd wok. Nɔ miks wit ɔda pipul fɔ sin; sin nɔ fɔ de na yu layf.

Fɔs Lɛta Fɔ Tɛsalonayka 5:19

Una nɔ fɔ mek Gɔd in Spirit tap fɔ du in wok insay una;

Apɔsul Dɛn Wok 13:3

Di chɔch pipul dɛn na Antiɔk fas ɛn pre. Dɛn put an pan Banabas ɛn Sɔl dɛn ed fɔ blɛs dɛn, dɔn dɛn sɛn dɛn go.

Apɔsul Dɛn Wok 8:17

Pita ɛn Jɔn put dɛn an pan di pipul dɛn ed ɛn pre fɔ dɛn, ɛn Gɔd in Spirit kam pan dɛn.

Apɔsul Dɛn Wok 19:6

Pɔl put in an na dɛn ed ɛn Gɔd in Spirit kam pan dɛn. Di pipul dɛn bigin tɔk dɛn laŋwej we dɛn nɔ lan ɛn dɛn tɔk wetin Gɔd tɛl dɛn fɔ tɔk.

Apɔsul Dɛn Wok 11:30

Dɛn gi Banabas ɛn Sɔl kɔpɔ fɔ kɛr go fɔ dɛn pipul na Jerusɛlɛm.

Apɔsul Dɛn Wok 22:5

Di bigman we de mek sakrifays fɔ pipul sin ɛn ɔl di bigman dɛn na di Ju gran kot kin tɛl una se na tru a de tɔk. Dɛn bin gi mi lɛta fɔ kɛr go gi mi Ju brɔda dɛn na Damaskɔs. A bin go de fɔ ol dɛn pipul we de fala dis We ɛn tay dɛn briŋ dɛn kam bak na ya fɔ mek di bigman dɛn na di Ju gran kot mek dɛn sɔfa.

Fɔs Lɛta To Timoti 4:15

Yu fɔ de du dɛn tin ya ɔltɛm ɛn put ɔl yu at pan dɛn, mek ɔlman go si se yu wok de go bifo.

Fɔs Lɛta To Timoti 5:17

Dɛn bigman we de du dɛn chɔch lida wok gud, pati kla di wan dɛn we de wok traŋa wan fɔ tɛl pipul bɔt Gɔd ɛn tich, fɔ gɛt gud pe ɛn rɛspɛkt.

Fɔs Lɛta To Timoti 5:19

Yu nɔ fɔ lisin if dɛn se wan bigman du tin we nɔ rayt, pas if na tu ɔ tri pɔsin we si, tɔk am.

Fɔs Lɛta To Timoti 6:12

Fɛt fɔ di biliv we yu biliv pan Krays we gud, ɛn ol di layf we go de sote go we yu gɛt wit Gɔd, gud; na Gɔd kɔl yu fɔ gi yu da layf de ɛn na bɔt dat yu dɔn tɔk plen wan bifo plɛnti pipul.