Fɔs Lɛta To Timoti 3:4 - Krio Fɔs Oli Baybul

⁴ i fɔ si dat ɔltin de go fayn nain os, i fɔ mek in pikin dɛn rɛspɛkt am ɛn yɛri in wɔd.

Fɔs Lɛta To Timoti 3:4 Referans Kwoze

Taytɔs 1:6

Ovasia na pɔsin we nɔ fɔ du ɛnitin we go mek pipul pɔynt fiŋa pan am; na wangren wɛf nɔmɔ i fɔ gɛt; in pikin dɛn fɔ bi Kristiɛn, ɛn pipul nɔ fɔ de tɔk se dɛn wayl ɛn dɛn nɔ de yɛri wɔd.

Fɔs Lɛta To Timoti 3:12

Man we de ɛp fɔ du Gɔd wok na chɔch fɔ gɛt wan wɛf ɛn fɔ ebul manej in wɛf ɛn pikin dɛn biznɛs gud.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Taytɔs 2:2

Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

Apɔsul Dɛn Wok 10:2

Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Lɛta Fɔ Filipay 4:8

Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

Lɛta Fɔ Ɛfisɔs 5:24

Lɛkɛ aw di chɔch put insɛf ɔnda Krays, na so di wɛf fɔ put insɛf ɔnda in man pan ɔltin.