Fɔs Lɛta To Timoti 3:3 - Krio Fɔs Oli Baybul

³ i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Fɔs Lɛta To Timoti 3:3 Referans Kwoze

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Taytɔs 3:2

Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Fɔs Lɛta To Timoti 3:8

Dɛn wan we de ɛp fɔ du Gɔd wok na chɔch, dɛnsɛf fɔ siriɔs, dɛn fɔ min wetin dɛn se; dɛn nɔ fɔ de drɔnk, dɛn nɔ fɔ want plɛnti tin fɔ dɛnsɛf;

Jems 4:1

Wetin mek una de fɛt ɛn mek plaba ɔltɛm? Dɛn tin we de insay una at we de fɛt fɔ mek una nɔ de wit Gɔd, na dɛn de mek una fɛt ɛn mek plaba ɔltɛm.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

Taytɔs 2:3

Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

Lɛvitikɔs 10:9

in ɛn in bɔypikin dɛn nɔ fɔ go insay di tɛnt we dɛn kin mit PAPA GƆD afta dɛn dɔn drink ɛni kayn rɔm, wɛda na wayn ɔ na bia, ɔ nɔ so dɛn go day. I se dat fɔ bi lɔ na ɔl in jɛnareshɔn dɛn.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Taytɔs 1:11

Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Apɔsul Dɛn Wok 20:33

A nɔ bin put yay pan ɛnibɔdi prɔpati lɛkɛ silva, gold ɛn fayn klos.

Matyu 21:13

I tɛl dɛn se, “Dɛn rayt na Gɔd in Buk se, Gɔd se, ‘Pipul fɔ kɔl mi Os ples fɔ pre,’ bɔt una dɔn tɔn am to ples we tifman de ayd.”

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Izikɛl 44:21

Nɔn man we de mek sakrifays fɔ pipul sin nɔ go drink wayn wɛn i go na di insay kɔt.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Ayzaya 28:1

Swɛ go fɔdɔm pan di rula na Ifrem we prawd ɛn de drɔŋɔ, ɛn di flawa we de wida, we bin de mek i luk shayn ɛn fayn, we de na di wan dɛn we jɛntri ɛn we rɔm dɔn ambɔg, dɛn ed.

Ɛkliziastis 7:8

Aw sɔntin tan we i dɔn dɔn, bɛtɛ pas aw i bin tan we i bin bigin; pɔsin we peshɛnt wit PAPA GƆD nain at, bɛtɛ pas di wan we prawd.

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.

Prɔvabs 1:19

Udat de tif, na so i de ɛnd; na shɔt layf i de gɛt.

1 Samiɛl 8:3

Bɔt dɛn nɔ bin tan lɛkɛ am atɔl. Dɛn bin de du wetin dɛn fil fɔ du. Dɛn bin de du ɔlkayn ɔnda-an tin fɔ mek mɔni, tek brayb ɛn de pan soso kukujumuku.

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;