Fɔs Lɛta To Timoti 3:15 - Krio Fɔs Oli Baybul

¹⁵ if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Fɔs Lɛta To Timoti 3:15 Referans Kwoze

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

1 Kronikuls 22:13

Datɛnde bɛtɛ go fala yu if yu tek tɛm du ɔl wetin PAPA GƆD we na yu Gɔd bin tɛl Mozis se Izrɛl fɔ de du. Tinap lɛk man ɛn nɔ fred. Nɔ fred natin; nɔ mek natin pwɛl yu at.

1 Kiŋ 2:4

If yu obe PAPA GƆD, i go kip to di prɔmis we i mek to mi se ‘na mi jɛnareshɔn nɔmɔ go de rul Izrɛl if dɛn kip to wetin in se ɛn obe am wit ɔl dɛn at ɛn sol.’

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

Lɛta Fɔ Rom 3:2

A go ansa se dat gɛt plɛnti bɛnifit fɔ dɛn. Fɔst ɔf ɔl, na to di Ju dɛn Gɔd sɛn in mɛsej fɔ mek dɛn biliv pan am ɛn tɛl ɔda pipul.

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Lɛta Fɔ Rom 9:26

Ɛn di sem ples we Gɔd bin se, ‘Una nɔto mi yon pipul’, na da sem ples de, Gɔd we gɛt layf sote go, go kɔl dɛn, ‘In bɔy pikin dɛn.’”

Apɔsul Dɛn Wok 1:2

sote di de we Gɔd tek am go ɛvin. Bifo Jizɔs go ɛvin, Gɔd in Spirit we bin de pan am mek i tɛl dɛn apɔsul we i pik wetin dɛn fɔ du.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Matyu 18:18

“A de tɛl una se, ɛnitin we una nɔ gri fɔ na dis wɔl, Gɔd nɔ go gri fɔ am na ɛvin, bɔt ɛnitin we una gri fɔ na dis wɔl, Gɔd go gri fɔ am na ɛvin.

1 Kiŋ 2:2

I se, “Mi tɛm dɔn de rich fɔ go to mi pipul dɛn. Gɛt kɔrej, ɛn sho yusɛf to ɔlman se yu na bɔypikin,

Jɔshwa 3:10

I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Ditarɔnɔmi 5:26

I se dɛn tɛl am igen se nɔn mɔtalman nɔ de na dis wɔl we dɔn yɛri di PAPA GƆD we gɛt layf in vɔys na faya lɛk dɛn, ɛn nɔ day.

Rɛvɛleshɔn 7:2

Wɛn dat dɔn, a si ɔda enjɛl kɔmɔt na di say we di san de kɔmɔt. I bin ol Gɔd, we gɛt layf sote go, in stamp. I ala lawd wan tɔk to di fo enjɛl dɛn we Gɔd bin gi pawa fɔ pwɛl di wata ɛn di dray grɔn we de na di wɔl.

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Fɔs Lɛta To Timoti 3:2

Ovasia nɔ fɔ gɛt bɔt nain layf; na wan wɛf nɔmɔ i fɔ gɛt, i fɔ bi siriɔs pɔsin, i fɔ ebul kɔntrol insɛf, i fɔ de biev lɛkɛ pɔsin wit sɛns; i fɔ opin in os to trenja; i fɔ ebul tich pipul;

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Ɛfisɔs 4:21

A no se pipul dɔn tɛl una bɔt Krays ɛn aw una fɔ liv di tru layf we Jizɔs want una fɔ liv.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Jɔn 6:69

Ɛn naw wi dɔn biliv ɛn wi no se, yu na Gɔd yon pɔsin ɛn na yu Gɔd sɛn kam to wi.”

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Jɛrimaya 23:36

Bɔt una nɔ fɔ tɔk di wɔd, PAPA GƆD in lod’ igen igen, bikɔs di lod na ɔlman wɔd, ɛn una de kɔrɔpt PAPA GƆD we de alayv, we na PAPA GƆD Ɔlmayti, we na wi Gɔd, in wɔd.

Jɛrimaya 1:18

Ɛn a de tɛl yu, a de mek wan siti we gɛt protɛkshɔn fɔ yu, ayɛn pila, ɛn bras wɔl dɛm, agens di wanol land, agens di kiŋ dɛn na Juda, in bigman dɛm, in man dɛm we de mek sakrifays fɔ pipul sin, ɛn di pipul dɛn na di land.

Di Sam Dɛm 84:2

A so de, magomago fɔ de usay PAPA GƆD de. A go gladi ɛn wit ɔl mi at a go siŋ to PAPA GƆD we nain nɔmɔ de gi layf.

Di Sam Dɛm 42:2

A want PAPA GƆD bad bad wan. Usay a go go fɔ wɔship PAPA GƆD lɛk aw a want?

1 Samiɛl 17:36

Devid tɛl Sɔl se in dɔn kil layɔn ɛn bia so di Filistin we na ithɛn go bi lɛk dɛn bikɔs i dɔn chalenj PAPA GƆD we nɔ de day in ami.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Sɛkɛn Lɛta To Timoti 2:20

Insay jɛntri man os yu kin gɛt ɔl kayn plet ɛn pan: silva wan dɛn, gold wan dɛn, sɔm we dɛn tek bod mek, sɔm we dɛn tek kle mek; sɔm na fɔ yus wan tɛm nɔmɔ fɔ big biznɛs, sɔm na fɔ yus ɛvri de.

Fɔs Lɛta To Timoti 3:5

If pɔsin nɔ ebul mek ɔltin fayn nain yon os, aw i go ebul mek ɔltin fayn na Gɔd in chɔch?

2 Kɔrint 6:7

we wi de tɛl pipul di tru wɔd, ɛn we Gɔd in pawa de pan wi, ɔl dat sɛf sho se na Gɔd in wok wi de du. Di waka we wi de waka tret wit Gɔd na di tin we wi gɛt fɔ tek fɛt ɛn i nɔ go mek dɛn wan we de fɛt wi, ebul wi.

2 Kɔrint 3:3

Una dɔn sho plen wan se na una na di lɛta we Krays rayt, we wi dɔn briŋ. Nɔto ink wi tek rayt am pan ston slab, na Gɔd we gɛt layf sote go, in Spirit rayt am na wi at.

Jɔn 18:37

Paylet aks am se, “Wɛl, yu na Kiŋ?” Jizɔs se, “Na yu se mi na Kiŋ. A bɔn kam na wɔl fɔ tɔk wetin tru. Ɛnibɔdi we lɛk wetin tru de yɛri mi wɔd.”

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

2 Kiŋ 19:4

Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

1 Kɔrint 10:32

Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd.

Fɔs Lɛta To Timoti 3:14

A de abop fɔ kam fɛn yu, i nɔ go te igen, bɔt a de rayt dɛn tin ya so dat

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Di Ibru Pipul Dɛn 10:21

Wi gɛt wan edman we de mek sakrifays fɔ pipul sin, we pas ɔl di ɔda wan dɛn; nain de rul wi we na Gɔd in pipul dɛn.

Pita In Fɔs Lɛta 4:17

Di tɛm we Gɔd go jɔj di wɔl nɔ fa igen, ɛn nain yon pipul dɛn fɔs i go jɔj. If Gɔd bigin wit wi we nain yon, aw tin go tan fɔ dɛn wan we nɔ biliv di Gud Nyuz we Gɔd sɛn to mɔtalman?