Fɔs Lɛta To Timoti 2:5 - Krio Fɔs Oli Baybul

⁵ Na wangren Gɔd de, ɛn wan pɔsin de midul Gɔd ɛn mɔtalman fɔ briŋ dɛn togɛda, dat na Jizɔs Krays we insɛf na mɔtalman,

Fɔs Lɛta To Timoti 2:5 Referans Kwoze

Lɛta Fɔ Galeshya 3:20

Bɔt Gɔd in wangren nɔ nid midulman.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Di Ibru Pipul Dɛn 9:15

Dis sho se na Krays tinap midul Gɔd ɛn mɔtalman, i mek nyu agrimɛnt, so dat dɛn pipul we Gɔd dɔn kɔl fɔ bi in pipul go gɛt dɛn gud tin we Gɔd prɔmis fɔ gi dɛn, ɛn dɛn gud tin de go blant dɛn sote go. Na bikɔs Krays day mek dat go bi, di day we i day mek Gɔd padin in pipul dɛn fɔ di bad we dɛn bin dɔn du, wɛn dɛn bin de ɔnda di fɔs agrimɛnt.

Di Ibru Pipul Dɛn 7:25

Na dat mek Jizɔs gɛt pawa ɔltɛm fɔ sev dɛn pipul we de kam to Gɔd tru am. Bikɔs i gɛt layf we go de sote go, i de pre bifo Gɔd ɔltɛm fɔ dɛn.

Ditarɔnɔmi 6:4

Mozis ɛksplen tɛl dɛn se na PAPA GƆD waŋren na dɛn GƆD

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Di Ibru Pipul Dɛn 8:6

So wi si se di wok we Jizɔs de du pas di wan we dɛn ɔda man we de mek sakrifays fɔ pipul sin de du. Semwe so, di agrimɛnt we Jizɔs mek bitwin Gɔd ɛn mɔtalman bɛtɛ pas di ol wan, bikɔs na Jizɔs in agrimɛnt mek Gɔd mek prɔmis to wi, we bɛtɛ pas di fɔs wan.

Lɛta Fɔ Ɛfisɔs 4:6

na wan Gɔd we na wi Papa we de rul wi ɔl, de wok insay wi ɔl ɛn de insay wi.

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Job 9:33

Nɔbɔdi nɔ go de fɔ jɔj bitwin wi tu, we fit fɔ tɔk dis kes.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Rɛvɛleshɔn 1:13

Midul dɛn lampolda ya a si sɔmbɔdi tinap we fiba mɔtalman. In klos lɔŋ te rich in fut, gold strap tay rawnd in chɛst.

Matyu 1:1

Na Jizɔs Krays in fambul dɛn, frɔm Ebraam in tɛm dɛn wan ya: Jizɔs Krays na wan pan Devid in grampikin pikin dɛm, ɛn Devid na wan pan Ebraam in grampikin pikin dɛm.

Apɔsul Dɛn Wok 4:12

Nɔbɔdi nɔ de na wɔl we ebul sev pɔsin; na Jizɔs nɔmɔ ebul sev pɔsin.”

Lɛta Fɔ Rom 1:3

Dis Gud Nyuz ya tɔk bɔt Gɔd in Pikin we na wi Masta Jizɔs Krays. Wɛn di Pikin na bin mɔtalman na bin wan pan Devid in grampikin pikin dɛm;

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Lyuk 14:22

Wɛn di bɔy kam bak, i tɛl in masta se, ‘Masta, a dɔn du ɔl wetin yu tɛl mi fɔ du, bɔt ples lɛf fɔ mɔ pipul, sa.’