Fɔs Lɛta To Timoti 2:4 - Krio Fɔs Oli Baybul

⁴ Gɔd want mek ɔlman sev ɛn mek dɛn no wetin tru.

Fɔs Lɛta To Timoti 2:4 Referans Kwoze

Izikɛl 18:32

Bikɔs a nɔ kin gladi we ɛnibɔdi day, so una chenj so dat una go liv. Na so Papa Gɔd we na Gɔd se.

Pita In Sɛkɛn Lɛta 3:9

Di Masta nɔ de wes tɛm fɔ du wetin i dɔn se in go du, lɛkɛ aw sɔm pipul tink, bɔt i de bia wit una bikɔs i nɔ want mek ɛnibɔdi go ɛl, bɔt i want mek ɔlman sɔri fɔ dɛn sin ɛn lɛf dɛn.

Izikɛl 18:23

PAPA GƆD aks se, ‘una tink se a kin gladi we wikɛd pɔsin kin day? Nɔ to fɔ lɛ i chenj frɔm aw i bin de ɛn liv?

Taytɔs 2:11

Gɔd dɔn sho wi aw i gud we i want sev ɔlman.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Fɔs Lɛta To Timoti 4:10

Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

Ayzaya 45:22

Una tɔn to Mi so dat una go sev, ɔl di kɔna dɛn na di wɔl! Bɔkɔs na Mi na Gɔd ɛn nɔn ɔda wan nɔ de.

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Rɛvɛleshɔn 14:6

Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Ayzaya 55:1

E, lɛ ɔlman we tɔsti, kam na di watasay dɛn; ɛn lɛ udat we nɔ gɛt kɔpɔ, kam, bay ɛn it! Kam, bay wayn ɛn milk i lɛk yu nɔ gɛt kɔpɔ ɛn dɛn nɔ gɛt prayz.

Sɛkɛn Lɛta To Timoti 3:7

dɛn uman ya de tray fɔ lan, bɔt dɛn nɔ ebul no wetin tru.

Lyuk 14:23

Di masta se, ‘Go na dɛn big rod ɛn dɛn bush rod na dɛn vilej say ɛn beg di pipul dɛn de fɔ kam, so dat di ples go ful.

Lyuk 1:77

yu go sho pipul aw dɛn go du, mek Gɔd go padin dɛn sin, mek dɛn sev.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Jɔn 17:17

Lɛ yu wɔd dɛn, we na tru mek dɛn bi yu yon pipul.

Jɔn 6:37

Ɔl dɛn wan we mi Papa dɔn gi mi go kam to mi. A nɔ go drɛb ɛnibɔdi we kam to mi,

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Di Ibru Pipul Dɛn 10:26

Wi dɔn no wetin tru, so if ɛni wan pan wi stil de du bad, nɔn sakrifays nɔ de igen fɔ pul di bad tin dɛn we di pɔsin du kɔmɔt nain layf.

Abakɔk 2:14

Bɔt lɛk aw wata de ful na si, na so ɔlman go no bɔt PAPA GƆD in pawa ɛn di wɔndaful tin we i de du.

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Lɛta Fɔ Rom 11:14

Sɔntɛm, we a de du dat, a go mek mi yon Ju kɔntri man dɛn jɛlɔs una, so da we de a kin mek Gɔd sev sɔm pan dɛn.

Jems 3:14

If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,