Fɔs Lɛta To Timoti 1:20 - Krio Fɔs Oli Baybul

²⁰ Imɛniɔs na wan ɛn Alɛgzanda na ɔda wan; a dɔn lɛf dɛn gi Setan te dɛn tap fɔ tɔk bad bɔt Gɔd.

Fɔs Lɛta To Timoti 1:20 Referans Kwoze

Sɛkɛn Lɛta To Timoti 2:17

Di tin we dɛn de lan pipul tan lɛkɛ sofut we de it di say we i de pan di bɔdi go insay. Tu pan dɛn ticha ya na Imɛniɔs ɛn Faylitɔs.

1 Kɔrint 11:32

Bɔt di Masta de jɔj wi ɛn pɔnish wi naw so dat i nɔ go kɔndɛm wi wit dɛn ɔda pipul na di wɔl.

Sɛkɛn Lɛta Fɔ Tɛsalonayka 3:15

Una nɔ du am lɛkɛ aw una kin du pɔsin we nɔ lɛk una, bɔt una wɔn am lɛkɛ aw una go wɔn una kɔmpin Kristiɛn.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Apɔsul Dɛn Wok 19:33

Sɔm pipul bin de blem Alɛgzanda fɔ di fɛt bikɔs nain di Ju pipul dɛn bin put bifo. Alɛgzanda mek sayn to di pipul dɛn fɔ sɛt mɔt bikɔs i bin want ɛksplen to dɛn se in ɛn in padi dɛn nɔ no bɔt di fɛt.

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;

Sɛkɛn Lɛta To Timoti 2:14

Mɛmba yu pipul dɛn bɔt dɛn wɔd ya, ɛn wɔn dɛn siriɔs wan bifo Gɔd mek dɛn nɔ fɛt fɔseka dɛn wɔd we nɔ min natin. Dat nɔ de ɛp ɛnibɔdi, bifo dat i de mek dɛn pipul we de lisin, nɔ biliv Gɔd.

2 Kɔrint 10:6

Wɛn una go dɔn pruv se fɔ tru una de fala Krays, wi go rɛdi fɔ pɔnish ɛnibɔdi we nɔ de du wetin Gɔd want.

Apɔsul Dɛn Wok 13:45

Wɛn di Ju pipul dɛn si ɔl di pipul dɛn na di Ju mitin os, dɛn jɛlɔs Pɔl ɛn Banabas. Dɛn se na lay Pɔl de lay ɛn dɛn tɔk bad bɔt am.

2 Kɔrint 13:10

Na dat mek a de rayt dɛn tin ya to una naw bifo a rich de; mek a nɔ go gɛt fɔ dil wit una traŋa wan wɛn a kam to una, pan ɔl we a gɛt di rayt fɔ du so, bikɔs di Masta sɛn mi; ɛniwe, di Masta nɔ sɛn mi fɔ mek a mek una at pwɛl, i sɛn mi fɔ ɛp una.

Matyu 18:17

If di pɔsin nɔ tek wetin di tu ɔ tri witnɛs tɛl am, yu fɔ tɔk wetin di pɔsin du yu na di chɔch mek ɔlman yɛri. Bɔt if di pɔsin nɔ gri tek wetin di chɔch pipul dɛn tɛl am, da tɛm de yu fɔ tek am lɛkɛ pɔsin we nɔ biliv pan Gɔd ɛn pɔsin we nɔ gri fɔ lɛf di bad we i de du.

Fɔs Lɛta To Timoti 5:15

Sɔm pan dɛn uman we dɛn man dɔn day dɔn lɛf fɔ fala Krays, na Setan dɛn de fala naw.

Di Ibru Pipul Dɛn 12:5

So una nɔ fɔgɛt Gɔd in wɔd we i tek kɔrej una, wɛn i kɔl unain pikin dɛn. I se, “Mi pikin, wɛn di Masta pɔnish yu, nɔ tek am layt, ɛn nɔ mek yu at pwɛl wɛn i tɔk pan yu.