Fɔs Lɛta To Timoti 1:14 - Krio Fɔs Oli Baybul

¹⁴ ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.

Fɔs Lɛta To Timoti 1:14 Referans Kwoze

Sɛkɛn Lɛta To Timoti 1:13

Dɛn tru wɔd we a tɛl yu, yu fɔ put ɔl yu at pan dɛn; na dɛn yu fɔ de fala pan ɛnitin we yu de du, yu nɔ fɔ lɛf fɔ biliv Gɔd lɛkɛ aw yu biliv am naw, ɛn yu nɔ fɔ tap fɔ lɛk yu kɔmpin. Na bikɔs wi gɛt wanwɔd wit Jizɔs Krays mek wi ebul biliv Gɔd ɛn lɛk wi kɔmpin so.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Rɛvɛleshɔn 22:21

Mek di Masta, Jizɔs sho ɔl Gɔd in pipul dɛn aw i gud.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Apɔsul Dɛn Wok 15:11

Lɛkɛ aw wi biliv se Masta Jizɔs sɔri fɔ wi ɛn sev wi, na di semwe dɛnsɛf biliv se Masta Jizɔs sɔri fɔ dɛn ɛn sev dɛn.”

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

2 Kɔrint 4:15

Ɔl dis na fɔseka una; ɛn as Gɔd de sho mɔ ɛn mɔ pipul aw i gud, dɛn go de tɛl Gɔd tɛnki mɔ ɛn mɔ ɛn sho aw i wɔndaful.

Lɛta Fɔ Galeshya 1:13

Una dɔn yɛri bɔt di tɛm we a bin de pre lɛkɛ aw mi Ju pipul dɛn de pre, ɛn aw a bin de mek dɛn pipul we biliv Gɔd sɔfa bad. A bin de du ɔl wetin a ebul du fɔ mek di pipul dɛn sɔfa, so dat dɛn nɔ go de mit wan ples igen fɔ pre, ɛn dɛn nɔ go biliv dɛn tin ya.

Fɔs Lɛta To Timoti 2:15

Bɔt uman go sev wɛn i de bɔn pikin, if i biliv Krays, if i lɛk pipul, if i de fɔ Gɔd ɛn if i de kɔntrol insɛf pan ɔltin.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Sɛkɛn Lɛta To Timoti 2:22

Nɔ du dɛn tin we dɛn yɔŋ pipul dɛn at kin gi dɛn fɔ du we dɛn nɔba ebul kɔntrol; tray fɔ de du wetin rayt na Gɔd yay, tray fɔ abop pan Gɔd, fɔ lɛk ɔlman ɛn fɔ mek kol at de; yu fɔ tray fɔ de du ɔl dɛn tin ya wit ɔl dɛn pipul we gɛt klin at ɛn we de pre mek di Masta ɛp dɛn.

Taytɔs 2:2

Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

Matyu 20:9

I gi di wan dɛn we i tek bay fayv oklɔk di sem pe lɛkɛ di wan dɛn we i tek ali mɔnin.