Fɔs Lɛta To Timoti 1:13 - Krio Fɔs Oli Baybul

¹³ pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

Fɔs Lɛta To Timoti 1:13 Referans Kwoze

Apɔsul Dɛn Wok 8:3

Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

Pita In Fɔs Lɛta 2:10

Tɛm bin de we una nɔto bin Gɔd yon pipul dɛn, bɔt una dɔn bi in pipul dɛn naw; tɛm bin de we una nɔ bin no aw Gɔd gud, bɔt naw una dɔn no aw i gud we i dɔn sɔri fɔ una.

Apɔsul Dɛn Wok 9:13

Ananayas tɔk se, “Masta, plɛnti pipul dɔn tɛl mi bɔt dis man ɛn bɔt di bad we i dɔn du yu pipul dɛn we de na Jerusɛlɛm.

Di Ibru Pipul Dɛn 4:16

Fɔseka dat, wi nɔ fɔ fred. Lɛ wi kam bifo Gɔd we go sho wi aw i lɛk wi, ɛn we go sɔri fɔ wi, ɛn ɛp wi di rayt tɛm.

Apɔsul Dɛn Wok 3:17

“Mi pipul dɛn, a no se una ɛn una bigman dɛn nɔ bin no wetin una bin de du wɛn una kil Jizɔs.

Lyuk 23:34

Jizɔs se, “Papa, padin dɛn pipul ya bikɔs dɛn nɔ no wetin dɛn de du.” Di soja man dɛn ib days fɔ pik di pɔsin we go gɛt Jizɔs in klos.

Fɔs Lɛta To Timoti 1:16

Bɔt we Gɔd sɔri fɔ mi, i bin want fɔ sho aw Jizɔs Krays go bia wit mi fɔ mek ɔda pipul si se, if i ebul bia wit mi we dɔn sin pas ɔlman, i go ebul bia wit ɔda pipul we go kam biliv pan am fɔseka dat ɛn gɛt layf we go de sote go.

Lɛta Fɔ Filipay 3:6

A bin de fɛt fɔ mek ɔlman du ɔl wetin di Ju Lɔ tɛl wi fɔ du, so a bin de mek dɛn pipul we biliv pan Krays sɔfa. So if na we pɔsin de kip di Ju Lɔ de mek ɔltin rayt bitwin in ɛn Gɔd, wɛl, nɔbɔdi nɔ go pɔynt fiŋa pan mi.

Lɛta Fɔ Galeshya 1:13

Una dɔn yɛri bɔt di tɛm we a bin de pre lɛkɛ aw mi Ju pipul dɛn de pre, ɛn aw a bin de mek dɛn pipul we biliv Gɔd sɔfa bad. A bin de du ɔl wetin a ebul du fɔ mek di pipul dɛn sɔfa, so dat dɛn nɔ go de mit wan ples igen fɔ pre, ɛn dɛn nɔ go biliv dɛn tin ya.

1 Kɔrint 15:9

Ɔl dɛn ɔda apɔsul bɛtɛ pas mi; a nɔ fit sɛf fɔ lɛ dɛn kɔl mi apɔsul, bikɔs a bin de mek dɛn pipul we de waka wit Gɔd sɔfa.

1 Kɔrint 7:25

Naw, na dɛn wan we nɔ mared a de tɔk bɔt: Gɔd nɔ tɛl mi wetin a fɔ tɛl dɛn fɔ du, na mi yon advays a de gi dɛn. A fil se Gɔd we gud to mi dɔn gi mi sɛns, so dat wɛn a de tɔk, pipul kin biliv wetin a de tɛl dɛn.

Apɔsul Dɛn Wok 22:4

A bin de biɛn dɛn pipul we de fala dis We sote a mek dɛn kil dɛn. A bin de ol man ɛn uman ɛn mek dɛn jel dɛn.

Apɔsul Dɛn Wok 9:5

Sɔl se, “Udat na yu, sa?” I yɛri we di vɔys ansa am se, “Mi na Jizɔs, na mi yu de fɛt.

Apɔsul Dɛn Wok 9:1

Da sem tɛm de, Sɔl bin stil de mek Jizɔs in apɔsul dɛn sɔfa, ɛn i bin want kil dɛn. I go to di bigman we de mek sakrifays fɔ pipul sin

Lyuk 12:47

“Ɛni wokman we no wetin in masta want fɔ mek i du, bɔt i nɔ du am ɛn i nɔ rɛdi sɛf fɔ du am, in masta go mek dɛn wip am gud.

Ozie 2:23

A go sho am wetin i min fɔ mek a lɛk di land. A go sɔri fɔ “a nɔ de sɔri fɔ am”; ɛn lɛ “nɔto mi pɔsin” no se in na mi pɔsin, dɔn insɛf go se, “Yu na mi Gɔd.”

Di Nɔmba Dɛm 15:30

“Ɛnibɔdi we sin wɛda na fɔrina ɔ na bɔn Izrɛlayt, dɔn fityay PAPA GƆD ɛn so fɔ drɛb di pɔsin.

Lɛvitikɔs 13:16

Bɔt if di mak we opin lɛk wund we mek pɔsin de si in bif wɛl ɛn tɔn wayt, dɛn i fɔ go to di man we de mek sakrifays fɔ pipul sin,