Fɔs Lɛta Fɔ Tɛsalonayka 5:8 - Krio Fɔs Oli Baybul

⁸ Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Fɔs Lɛta Fɔ Tɛsalonayka 5:8 Referans Kwoze

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Lɛta Fɔ Ɛfisɔs 6:11

Una fɔ wɛr di klos we Gɔd gi una fɔ tek fɛt so dat wɛn Setan pul in kɔni fɔ fɛt una, i nɔ go ebul una.

Ayzaya 59:17

I wɛr raychɔsnɛs fɔ brɛsplet, ɛn wan ɛlmɛt ɔf salveshɔn, nain ed; I wɛr gamɛnt ɔf vɛnjɛns, fɔ in klos, ɛn rap insɛf insay bad bad vɛksteshɔn, fɔ ovakot.

Di Ibru Pipul Dɛn 6:19

Wetin wi de put ɔl wi at pan tan lɛkɛ anka fɔ wi layf, we de mek wi tinap traŋa. Na fɔseka dat, wi go go insay insay di ples we Gɔd de na ɛvin, ɛn wi go pas di big tik kɔtin we ɛŋ ɛn kɔba di ples we Gɔd de.

1 Kɔrint 13:13

Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

Fɔs Lɛta Fɔ Tɛsalonayka 5:5

Una ɔl na pipul we de waka na layt, dat na de tɛm. Wi nɔ de lɛkɛ dɛn pipul we de waka na dak, dat na nɛt.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

2 Kɔrint 6:7

we wi de tɛl pipul di tru wɔd, ɛn we Gɔd in pawa de pan wi, ɔl dat sɛf sho se na Gɔd in wok wi de du. Di waka we wi de waka tret wit Gɔd na di tin we wi gɛt fɔ tek fɛt ɛn i nɔ go mek dɛn wan we de fɛt wi, ebul wi.

Lamɛnteshɔn 3:26

I gud lɛ pɔsin peshɛnt wet lɛ PAPA GƆD sev am.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Lɛta Fɔ Galeshya 5:5

Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Di Sam Dɛm 43:5

Wetin fɔ mek a brokat so ɔ wetin fɔ mek mi at pwɛl? A fɔ put mi op pan PAPA GƆD; A fɔ stil de tɛl PAPA GƆD tɛnki bikɔs nain na di PAPA GƆD we de pul mi pan trɔbul.

Di Sam Dɛm 42:11

Wetin fɔ mek a brokat so ɔ wetin fɔ mek mi at pwɛl? A fɔ put mi op pan PAPA GƆD; a fɔ stil de tɛl PAPA GƆD tɛnki bikɔs nain na mi PAPA GƆD, we de pul mi pan trɔbul.

Di Sam Dɛm 42:5

Wetin fɔ mek a brok at so ɔ wetin fɔ mek mi at pwɛl? A fɔ put mi op pan PAPA GƆD, a fɔ stil de tɛl PAPA GƆD tɛnki, bikɔs nain na mi PAPA GƆD, we de pul mi pan trɔbul.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,